मराठा आरक्षणासाठी समाजातील समन्वयकांची मते, सूचना जाणून घेऊन खासदार संभाजीराजे यांनी १६ जूनपासून कोल्हापुरातून मूक आंदोलन करण्याची घोषणा गुरुवारी केली. त्याला या समन्वयकांनी पाठिंबा दिला. गेल्या दोन दिवसांमध्ये या समन्वयकांनी जिल्ह्यातील लोकप्रतिनिधींना आंदोलनात सहभागी होऊन सकल मराठा समाजाच्या मागण्यांबाबत भूमिका मांडण्यासाठी निमंत्रण दिले आहे. या लोकप्रतिनिधींनी मूक आंदोलनात सहभागी होणार असल्याचे सांगितले आहे. नर्सरी बागेतील समाधिस्थळी हे मूक आंदोलन केले जाणार आहे. त्याठिकाणी भगवे ध्वज लावणे, बैठक व्यवस्था, आदी स्वरूपातील तयारी सोमवारी करण्यात आली. मराठा आरक्षणासह अन्य विविध मागण्यांचे फलक हे जिल्ह्यात विविध ठिकाणी लावण्यात आले आहेत. कोल्हापुरातील या आंदोलनानंतर नाशिक, अमरावती, संभाजीनगर, रायगड येथे मूक आंदोलने होणार आहेत.
चौकट
असे होणार मूक आंदोलन
या समाधिस्थळाच्या उजव्या बाजूला जिल्ह्यातील मंत्री, खासदार, आमदार यांची बैठक व्यवस्था असणार आहे. डाव्या बाजूला खासदार संभाजीराजे, कोल्हापूर आणि राज्यातील सकल मराठा समाजाचे समन्वयक, ‘सारथी’ संस्था आणि विविध पदांवरील नियुक्तींच्या प्रतीक्षेतील विद्यार्थी, मराठा समाजबांधव, भगिनी यांची बैठक व्यवस्था राहणार आहे. त्यांच्यासमोर या लोकप्रतिनिधींनी आपली भूमिका मांडायची आहे.
चौकट
समाधिस्थळी आज बैठक
या आंदोलनाच्या तयारीचा आढावा आणि पूर्वनियोजनासाठी समाधिस्थळी आज, मंगळवारी सकाळी अकरा वाजता खासदार संभाजीराजे आणि मराठा समाजातील समन्वयकांची बैठक होणार असल्याची माहिती समन्वयक दिलीप देसाई यांनी दिली.
फोटो (१४०६२०२१-कोल-मराठा समाज) : मराठा आरक्षणासह अन्य विविध मागण्यांसाठी कोल्हापुरात बुधवारी सकल मराठा समाजाच्यावतीने राजर्षी छत्रपती शाहू महाराज यांच्या समाधिस्थळी मूक आंदोलन करण्यात येणार आहे. या समाधिस्थळी भगवे ध्वज लावण्याचे काम सोमवारी सुरू होते. (छाया : आदित्य वेल्हाळ)
===Photopath===
140621\14kol_5_14062021_5.jpg
===Caption===
फोटो (१४०६२०२१-कोल-मराठा समाज) : मराठा आरक्षणासह अन्य विविध मागण्यांसाठी कोल्हापुरात बुधवारी सकल मराठा समाजाच्यावतीने राजर्षी छत्रपती शाहू महाराज यांच्या समाधीस्थळी मूक आंदोलन करण्यात येणार आहे. या समाधीस्थळी भगवे ध्वज लावण्याचे काम सोमवारी सुरू होते. (छाया : आदित्य वेल्हाळ