गेले चार दिवस पडणाऱ्या पावसामुळे कृष्णा, पंचगंगा नद्या तुडुंब वाहत आहेत. कृष्णा नदीचे पाणी उदगाव (ता. शिरोळ) येथील रेल्वे पुलाखाली सांगली-कोल्हापूर मुख्य महामार्गावर आल्याने ही वाहतूक बंद करण्यात आली आहे. रिलायन्स पेट्रोल पंपनजीकच वाहतूक थांबविण्यात आली आहे.
येथे जयसिंगपूर पोलीस ठाण्याचे पोलीस कर्मचारी वाहतूक व्यवस्था सुरळीत करण्यासाठी उपस्थित आहेत. या भागातील नागरिक पाणी पाहण्यासाठी वेगवेगळ्या मार्गाने राजश्री शाहू पुलाकडे जात असल्याने त्यांना आवर घालणे मुश्किल झाले आहे. दरम्यान, विनाकारण या महामार्गावर गर्दी करून पूरग्रस्त स्थलांतरणाला अडचण आणू नये, असे आवाहन उपसरपंच रमेश मगदूम यांनी केले आहे.
चौकट-
* हुल्लडबाज तरुणांना पोलिसांचा 'प्रसाद'
उदगाव येथील महामार्गावर विनाकारण वारंवार पाणी पाहण्यासाठी ये-जा करणाऱ्या हुल्लडबाज तरुणांना पोलिसांनी 'प्रसाद' दिल्याने काहीअंशी गर्दी कमी झाली.
छाया- अजित चौगुले, उदगाव