कोल्हापूर : ताराराणी विद्यापीठाच्या उषाराजे हायस्कूलचे सहायक शिक्षक सागर पांडुरंग वातकर यांना गुरुवर्य डी. डी. आसगावकर गौरव पुरस्काराने आमदार चंद्रकांत जाधव यांच्या हस्ते गौरवण्यात आले.
वातकर हे गणित विषयाचे तज्ज्ञ व उपक्रमशील शिक्षक आहेत. त्याचबरोबर ते प्रसिद्ध वक्ते, लेखक, अभ्यासक व समुपदेशक आहेत. त्यांनी वेगवेगळ्या विषयांवर आजपर्यंत विविध ठिकाणी व्याख्याने दिली आहेत. गणित विषय सोप्या पद्धतीने शिकविण्यात त्यांचा हातखंडा आहे. त्यांच्या कार्याची दखल घेऊन आसगावकर ट्रस्टच्या वतीने त्यांचा गौरव करण्यात आला. यावेळी सांगरूळ शिक्षण संस्थेचे सचिव, आमदार प्रा. जयंत आसगावकर, आमदार ऋतुराज पाटील, माध्यमिक शिक्षणाधिकारी किरण लोहार, आदी उपस्थित होते.
फोटो ओळी : डी. डी. आसगावकर ट्रस्टच्या वतीने सागर वातकर यांना आमदार चंद्रकांत जाधव यांच्या हस्ते पुरस्काराने सन्मानित करण्यात आले. यावेळी यशवंत खाडे, आमदार जयंत आसगावकर, किरण लोहार उपस्थित होते. (फोटो-१५०२२०२१-कोल-सागर वातकर)