करवीर तालुका सरपंच सेवा संघाच्या अध्यक्षपदी सदाशिव घाटे

गोकुळ शिरगाव : करवीर तालुका सरपंच सेवा संघाच्या अध्यक्षपदी बोलोली येथील सदाशिव घाटे यांची निवड करण्यात आली. सरपंच सेवा संघाचे जिल्हाध्यक्ष महादेव पाटील यांच्या अध्यक्षतेखाली व सरपंच सेवा संघाचे राज्य मार्गदर्शक नारायण पोवार यांच्या प्रमुख उपस्थितीत करवीर तालुका सरपंच सेवा संघाची कार्यकारिणी नुकतीच जाहीर करण्यात आली. नूतन कार्यकारिणी अशी : उपाध्यक्ष वसंत पांडुरंग तोडकर (वाकरे), योगेश संभाजी ढेंगे (नागदेवाडी). महिलाध्यक्ष शालन बाबुराव पाटील (देवाळे) व महिला उपाध्यक्ष पूनम उत्तम परीट (घानवडे), सालाप्पा विठ्ठल चौगुले (सरचिटणीस - मांजरवाडी), सर्जेराव बाबू तिबिले (प्रसिध्दीप्रमुख - बीड), एकनाथ भाऊ वरुटे (संघटक) तर अमर कृष्णात व्हायकर (सहसंघटक), प्रकाश शामराव शेटे (कोषाध्यक्ष), मयूर मधुकर जांभळे (जिल्हा परिषद गटप्रमुख) यांची निवड करण्यात आली.