शिरोळ : धरणगुत्ती (ता. शिरोळ) येथे डॉ. सा. रे. पाटील फौंडेशनच्यावतीने व सिनर्जी मल्टिस्पेशालिटी हॉस्पिटल यांच्या सहयोगाने सर्वरोग तपासणी व औषधोपचार शिबिर पार पडले. शिबिराचे उद्घाटन दत्तचे अध्यक्ष गणपतराव पाटील यांनी केले. यावेळी माजी आमदार उल्हास पाटील, जि. प. सदस्य राजवर्धन नाईक-निंबाळकर, शेखर पाटील, डॉ. प्रसाद जगताप, डॉ. सुरेश पाटील, स्वाती सोमासे, डॉ. राहुल सुर्वे, डॉ. मोहसीन पठाण, संभाजी जाधव उपस्थित होते.
--------------
जयसिंगपुरात भटक्या कुत्र्यांची दहशत
जयसिंगपूर : येथील अकराव्या गल्लीमध्ये भटक्या कुत्र्यांची मोठी दहशत निर्माण झाली आहे. याठिकाणी मटण मार्केट असल्याने टाकाऊ मांस खाण्यासाठी कुत्र्यांच्या झुंडी येतात. त्यामुळे या परिसरातून ये-जा करताना नागरिकांना जीव मुठीत घेऊन जावे लागत आहे. एखादी मोठी दुर्घटना घडण्याअगोदर या कुत्र्यांचा बंदोबस्त करावा, अशी मागणी होत आहे.
------------------
शिरढोणमध्ये रक्तदान शिबिरास प्रतिसाद
कुरुंदवाड : शिरढोण (ता. शिरोळ) येथे शिवतेज कला, क्रीडा, सांस्कृतिक मंडळाच्यावतीने रक्तदान शिबिर घेण्यात आले. यावेळी ४३ रक्तदात्यांनी रक्तदान केले. आदर्श ब्लड बँक, सांगली यांनी रक्तसंकलन केले. प्रारंभी शिबिराचे उद्घाटन ग्रा. पं. सदस्य शिवानंद कोरबू यांनी केले. याप्रसंगी गणेश सोडगे, पिंटू कुंभार, सचिन कोरे, पंकज कुंभार, वैभव देसाई, वैभव दानोळे, दत्ता गावडे, सौरभ दानोळे, सुनील दिंडे, रोहन मगदूम, महेश सोडगे यांच्यासह मंडळाचे सदस्य उपस्थित होते.