इचलकरंजी : येथील सन्मती सहकारी बॅँकेची २०२१-२०२६ ची पंचवार्षिक निवडणूक बिनविरोध झाली. निवडणूक निर्णय अधिकारी सहायक निबंधक सहकारी संस्था, शिरोळचे प्रेमदास राठोड यांनी संस्थेच्या गुरुवारी झालेल्या विशेष सभेत ही घोषणा केली. त्यानंतर संचालक मंडळाच्या बैठकीत अध्यक्षपदी सुनील सातगोंडा पाटील आणि उपाध्यक्षपदी महादेव कृष्णा कांबळे यांची निवड करण्यात आली.
सन्मती बॅँकेच्या सभागृहात निवडणूक निर्णय अधिकारी राठोड यांच्या अध्यक्षतेखाली निवडणूक प्रक्रिया सुरू केली. निवडणुकीसाठी आवश्यक १७ जागांसाठी १७ अर्ज शिल्लक असल्याने राठोड यांनी बिनविरोध निवडीची घोषणा केली. त्यांना सहकार अधिकारी श्रेणी - १ नितीन माने यांचे सहायक निवडणूक निर्णय अधिकारी म्हणून सहकार्य लाभले.
नूतन संचालक मंडळामध्ये अजित शिवाप्पा कोईक, शीतल नरसगोंडा पाटील, प्राचार्य प्रद्युमकुमार वसंत कडोले, डॉ. पुरुषोत्तम गणेश कुलकर्णी, चंद्रकांत अण्णासाहेब पाटील, शिवाजी सदाशिव माळी, विठ्ठल पुंडलिक चोपडे, अण्णासाहेब बंडू मुरचिटे, जयश्री आदिनाथ चौगुले, वसुंधरा आप्पासाहेब कुडचे, प्रदीप महादेव मणेरे, डॉ. आप्पासाहेब श्रीपाल होसकल्ले, प्रा. आप्पासाहेब जिनगोंडा पाटील, संजय धुळासाहेब चौगुले, हणमंत ऊर्फ गिरीश शंकरराव देशपांडे यांचा समावेश आहे.
फोटो ओळी
०८०४२०२१-आयसीएच-०५ - सुनील पाटील
०८०४२०२१-आयसीएच-०६ - महादेव कांबळे