उपनगराध्यक्षा रेखाताई आनंदा मांगले यांनी उपनगराध्यक्ष पदाचा राजीनामा दिल्याने रिक्त झालेल्‍या पदाची निवड करण्यासाठी जिल्‍हाधिकारी, कोल्‍हापूर यांचे आदेशान्‍वये ही निवड प्रक्रिया पार पडली. पिठासीन अधिकारी नगराध्यक्ष राजेखान जमादार यांचे अध्‍यक्षतेखाली नूतन उपनगराध्यक्षा निवड पार पडण्यात आली. रिक्त पदासाठी नगरसेविका रंजना मंडलिक यांचा एकमेव अर्ज आल्‍याने या पदाची निवड बिनविरोध करण्यात आली. सूचक म्‍हणून पक्ष प्रतोद संदीप कलकुटकी व अनुमोदक म्‍हणून माजी नगराध्यक्ष नामदेवराव मेंडके यांनी स्वाक्षऱ्या केल्या. कोरोना रोगाच्‍या पार्श्‍वभूमीवर व्हिडिओ कॉन्फरन्सद्वारे विशेष सभा आयोजित करण्यात आली होती.
या निवडीप्रसंगी नूतन उपनगराध्यक्षा रंजना मंडलिक यांनी बोलताना खासदार संजयदादा मंडलिक, वीरेंद्र मंडलिक, नगराध्यक्ष राजेखान जमादार व सर्व सहकाऱ्यांनी माझ्यावर जी जबाबदारी टाकली आहे, त्‍या विश्‍वासास पात्र राहून मुरगूड शहराच्‍या विकासासाठी, आरोग्‍यासाठी प्रयत्‍न करण्‍याची ग्‍वाही दिली. या वेळी ऑनलाईन पद्धतीने जयसिंग भोसले, हेमलता लोकरे, मारुती कांबळे यांनी मनोगते व्‍यक्‍त केली. या सभेसाठी सर्व नगरसेवक, नगरसेविका ऑनलाईन उपस्थित होते.
फोटो
रंजना मंडलिक