इचलकरंजी : लायन्स क्लब व लायन्स क्लब (हुपरी) यांच्यावतीने ऑनलाईन मोफत स्वीस लीग खुल्या जलद बुद्धिबळ स्पर्धा झाल्या. यामध्ये भारत देशासह अमेरिका, युक्रेन, फिलिपाईन्स, साऊथ आफ्रिका, युगांडा, इराण, इंडोनेशिया, क्युबा, उझबेकिस्तान, श्रीलंका व इतर देशांतील ४३८ स्पर्धक सहभागी झाले होते.
स्पर्धेमध्ये खुल्या गटात आर. आर. लक्ष्मण, अक्षय शर्मा व तन्मय पोवार, बेस्ट महाराष्ट्र खेळाडूंमध्ये अय्यान, प्रथम लोकरे व अभय शेटे, महिला खेळाडूंमध्ये आदिती कयाल, मनु दिवेकर व सरला, इचलकरंजी व जयसिंगपूरमधील १४ वर्षाखालीलमध्ये विवान सोनी, रियार्थ पोद्दार व शौर्य निकुंज बगारिया यांनी अनुक्रमे प्रथम, दि्वतीय व तृतीय क्रमांक पटकाविला.
स्पर्धेसाठी शार्दुल तपासे यांनी काम पाहिले. लायन्स क्लबचे अध्यक्ष महेश सारडा, सचिव अमित पोद्दार, नंदू बांगड, विजयकुमार राठी यांच्या सहकार्याने या स्पर्धा झाल्या.