प्रयाग चिखली : जिल्ह्यामध्ये शिवसेना आणि सहकार यांचा काडीमात्र संबंध नसताना प्रतिकूल परिस्थितीत वरणगे पाडळी येथील शिवसेनेचे तालुकाप्रमुख तानाजी आंग्रे यांच्या शिवनेरी पतसंस्थेची यशस्वी वाटचाल ही शिवसेनेसाठी अभिमानास्पद आहे, असे गौरवोद्गार शिवसेना जिल्हाप्रमुख संजय पवार यांनी काढले. वरणगे येथील शिवनेरी पतसंस्थेच्या नूतन वास्तुप्रवेश कार्यक्रमात ते बोलत होते.
यावेळी माजी आमदार चंद्रदीप नरके यांनी सहकारासमोर असणाऱ्या अडचणीवर मात करीत यशस्वीपणे वाटचाल केल्याबद्दल शिवनेरी पतसंस्थेचे कौतुक केले. यावेळी माजी आमदार सुरेश साळोखे, तानाजी आंग्रे, चेअरमन राजाराम वनारे, दत्ता कनोजे, कृष्णात धनवडे, विश्वजित कनोजे, धनाजी बिरंजे, आनंदराव पवळ, नामदेव पाटील, विलास पाटील, शिवाजी कुडाळकर, आकाराम आंबेकर, रणजित पवार, शहाजी पाटील, ॲड. संजय नलगे उपस्थित होते.
चौकट :
ज्या इमारतीत शिवनेरी पतसंस्था स्थलांतरित करण्यात आली आहे, ती इमारत बाधित आहे, असा समज पसरला होता. त्यामुळे गेली पंचवीस वर्षे ती इमारत बंद होती. ती खरेदी करण्याचे धाडस कोणी करीत नव्हते. मात्र, तानाजी आंग्रे व त्यांच्या सहकाऱ्यांनी ती इमारत खरेदी करून अंधश्रद्धेला मूठमाती दिली आहे.