शहरं
Join us  
Trending Stories
1
पंतप्रधान मोदींना शिविगाळ, अपशब्द, भाजपा आणि काँग्रेसचे कार्यकर्ते भिडले, पाटण्यात तुफान राडा 
2
इस्रायलचा येमनवर सर्वात मोठा हल्ला, एकाच हल्ल्यात हुथी पंतप्रधान, संरक्षणमंत्री आणि लष्करप्रमुखांच्या मृत्यूचा दावा 
3
'तू काळी, माझ्या मुलाला सोड, त्याच्यासाठी चांगली मुलगी शोधू'; इंजिनिअर शिल्पाने पती, सासरच्यांमुळे मृत्युला कवटाळलं
4
वैष्णोदेवी भूस्खलनात ६ भाविकांचा मृत्यू; अनेक बेपत्ता, कुटुंबावर कोसळला दु:खाचा डोंगर
5
मांत्रिकाच्या सांगण्यावरुन आजोबाने दिला नातवाचा बळी; मृतदेहाचे तुकडे करुन नाल्यात फेकले...
6
जिओ, एअरटेल आणि VI चे एका वर्षासाठी सर्वात स्वस्त प्लॅन! कोण देतंय बंपर ऑफर?
7
पंतप्रधान नरेंद्र मोदींसंदर्भात अपशब्द बोलणाऱ्या विरोधात मोठी कारवाई; पोलिसांनी उचललं!
8
"मी लग्न करेन तेव्हा..." कृष्णराज महाडिकांसोबतच्या 'त्या' फोटोवर पहिल्यांदाच बोलली रिंकू राजगुरू
9
भलताच ट्विस्ट! ७ दिवस बेपत्ता असलेली श्रद्धा सापडली, बॉयफ्रेंड भेटला नाही म्हणून मित्राशी लग्न
10
आयेशा खानने मारला मोदक अन् पुरणपोळीवर ताव, नेटकऱ्यांनी केल्या भन्नाट कमेंट्स
11
जालना हादरले! भीषण अपघातात विहिरीत पडलेल्या कारमधील चौघांचा मृत्यू
12
Manoj Jarange Patil Morcha Update Live: "आंदोलनाची परवानगी वाढवून द्या, मी इथून उठणार नाही"; मनोज जरांगेंचा सरकारला इशारा
13
Ukrain Navy ship Video: युक्रेनवर रशियाचा 'प्रहार', मोठी युद्ध नौका उडवली, हल्ल्याचा व्हिडीओ समोर
14
टेस्ट ड्राइव्हच्या बहाण्याने दोन जण फॉर्च्यूनर घेऊन पळाले, सोबत गेलेल्या कर्मचाऱ्याला चालत्या गाडीतून फेकलं अन्...
15
Ganesh Chaturthi 2025: बाप्पाच्या सेवेनंतर तुम्हाला कधी 'असा' अनुभव आलाय का?
16
"आरक्षणाचा गुलाल डोक्यावर पडल्याशिवाय आता इथून हलायचं नाही..."; मनोज जरांगे यांचा निर्धार
17
दोन दिवसांच्या घसरणीनंतर बाजारात पुन्हा तेजी! 'या' सेक्टरने दिला सर्वाधिक आधार
18
Ratnagiri: गणेशोत्सवाला गालबोट! विसर्जनादरम्यान दोन जण जगबुडी नदीत बुडाले; एकाचा मृत्यू
19
Manoj Jarange: "मी शेवटपर्यंत मॅनेज होणार नाही", मनोज जरांगेंचा सरकारला इशारा!
20
विराटचं 'ते' वाक्य अन् मोहित सुरींना सुचला 'सैयारा'मधला 'तो' सीन, किंग कोहलीकडून मिळाली प्रेरणा

पालेभाज्यांचे दर गडगडले, ज्वारी महागली

By लोकमत न्यूज नेटवर्क | Updated: December 7, 2020 04:17 IST

कोल्हापूर : बाजारात पालेभाज्यांची तुफानी आवक झाली असून जागोजागी ढीगच ढीग दिसत आहेत. दरही कमालीचे गडगडले असून, १० रुपयांना ...

कोल्हापूर : बाजारात पालेभाज्यांची तुफानी आवक झाली असून जागोजागी ढीगच ढीग दिसत आहेत. दरही कमालीचे गडगडले असून, १० रुपयांना दोन ते तीन पेंढ्या असा दर झाला आहे. फळभाज्यांचीही आवक वाढल्याने दर घसरले असून ३० ते ४० रुपये किलो असा सर्वसाधारण दर आहे. कांदा-बटाटा अजूनही पन्नाशीच्याच घरात आहे. दर कमी झाल्याने किचन बजेट सावरले असतानाच ज्वारीने मात्र साठीपार उसळी घेतल्याने भाकरी परवडण्याच्या पलीकडे गेली आहे. ३८ ते ६० रुपये असा ज्वारीचा दर झाला आहे.

मेथी, पोकळा, शेपू, पालक, चाकवत, अंबाडा १० रुपयांना दोन पेंढ्या असा दर आहे. गेल्या आठवड्यात ३०० रुपये किलो असणाऱ्या हरभरा भाजीचे दर आता निम्म्यावर आले आहेत. ४० रुपये पावशेर असा दर आहे. शेवग्याची आवक वाढल्याने दरही १० रुपयांना तीन ते चार शेंगा असा झाला आहे. हिरव्या मिरचीचा दर १० रुपयांनी वाढू्न तो किलोला ५० रुपये झाला आहे. टोमॅटोही २० रुपये किलो आहे. आले ५० रुपये किलो आहे. कांदा अजूनही ४० ते ५० रुपये किलोवर स्थिर आहे. इजिप्तच्या कांद्यासह स्थानिक कांदाही बाजारात दिसत आहे; पण तो कच्चा असल्याने दरही कमी आहे. बटाट्याचे दर मात्र वाढतच आहेत. ५० रुपये असा दर झाला आहे.

मटारची आवक वाढली आहे. दर मात्र ५० रुपये किलो आहे. गवार १०० रुपये किलो आहे. उर्वरित सर्व भाज्या ३० ते ४० रुपये किलो आहे. फ्लॉवर अजूनही वाढूनच आहे. २० ते ५० रुपये एका गड्ड्याचा दर आहे.

चौकट ०१

फळबाजार फुललेलाच

फळांच्या बाजारात नागपूरच्या संत्र्यांची चलती आहे. ५० रुपयांना दोन किलो असा दर आहे. ॲपल बोरही २० रुपये किलो आहेत. केळी २० ते ३० रुपये डझन आहेत. माल्टाचीही आवक वाढली असून दरही ४० रुपये किलो आहे. तासगावची सीताफळे अजूनही १०० रुपये किलोच आहेत. सफरचंदांची आवक कमी झाली आहे, तर पेरूंची आवक वाढली आहे. अननसांचे ढीग लागले असून २० ते ३० रुपये दर आहे. काळ्या पाठीची कलिंगडेही दिसू लागली आहेत.

फोटो : नसीर अत्तार

फोटो: ०६१२२०२०-कोल-माल्टा

कोल्हापुरात लक्ष्मीपुरी बाजारात माल्ट्याची आवक वाढल्याने त्याचे असे ढीग दिसत आहेत.

फोटो: फोटो: ०६१२२०२०-कोल-भाज्या

बाजारात भाजीपाल्याची ढिगांनी आवक झाली आहे.