राम मगदूम ।
गडहिंग्लज : गडहिंग्लज विभागातील आजरा तालुक्याचा कोरोना पॉझिटिव्हिटी रेट सर्वाधिक १२.६२ टक्के, तर चंदगड तालुक्याचा मृत्युदर सर्वाधिक ३.१० टक्के आहे. रुग्ण बरे होण्याच्या दरातही 'चंदगड'च आघाडीवर असून, त्याचा दर ९०.५१ टक्के इतका आहे. परंतु, चंदगडच्या पॉझिटिव्हिटीचा दर सर्वांत कमी ७.८१ असतानाही मृत्युदर मात्र सर्वाधिक ३.१० टक्के इतका आहे, ही चिंतेची बाब ठरली आहे.
गडहिंग्लज, चंदगड व आजरा तालुक्यांत मिळून एकूण १,०५,०८५ नागरिकांची कोविड तपासणी झाली. त्यात आढळलेल्या १०४९० पैकी ८९९८ रुग्ण पूर्ण बरे झाले.
दुर्दैवाने २८४ रुग्णांचा मृत्यू झाला. सध्या १०२७ रुग्णांवर उपचार सुरू आहेत.
दि. १ एप्रिल ते १६ जुलै २०२१ अखेर गडहिंग्लज तालुक्यातील ४९२२३ जणांच्या तपासणीत ४७१४ रुग्ण आढळले. त्यांपैकी ३९१७ बरे झाले, तर १३७ रुग्णांचा मृत्यू झाला असून सध्या ५४५ रुग्ण उपचार घेत आहेत.
चंदगड तालुक्यातील २६४६८ जणांपैकी २०६६ रुग्ण आढळले. त्यांपैकी १८७० बरे झाले आहेत. ६४ रुग्णांचा मृत्यू झाला असून सध्या १६९ रुग्ण उपचार घेत आहेत.
आजरा तालुक्यातील २९३९४ जणांच्या तपासणीत ३७१० रुग्ण आढळले. त्यांपैकी ३२११ बरे झाले; तर ८३ रुग्णांचा मृत्यू झाला असून सध्या ३१३ रुग्ण उपचार घेत आहेत.
गडहिंग्लज शहरातील १०४१० जणांच्या तपासणीत ११४१ रुग्ण आढळले. त्यांपैकी १०१८ बरे झाले; तर २५ रुग्णांचा मृत्यू झाला असून ९८ रुग्ण उपचार घेत आहेत.
चंदगड शहरातील २९९८ जणांच्या तपासणीत ३११ रुग्ण आढळले. त्यांपैकी २६९ बरे झाले, तर नऊजणांचा मृत्यू झाला असून सध्या १६ रुग्ण उपचार घेत आहेत.
आजरा शहरातील ३८९५ जणांच्या तपासणीत ५३८ रुग्ण आढळले. त्यांपैकी ४५३ बरे झाले, तर ६ रुग्णांचा मृत्यू झाला असून सध्या ६५ रुग्ण उपचार घेत आहेत.
---------------
प्रथम संपर्कातील ३४४९९ जणांच्या स्राव तपासणीत ५८४७ जण बाधित आढळून आले. एकूण ९९२४ बाधितांच्या प्रथम संपर्कात ४०१२५ तर १,३०,२४६ नागरिक द्वितीय संपर्कात आल्याचे संपर्क तपासणीतून स्पष्ट झाले आहे.
१६ जुलैअखेर तालुकानिहाय लसीकरण स्थिती : पात्रसंख्या, लस घेतलेले नागरिक व शिल्लक नागरिक.
गडहिंग्लज - ७६३१८ (७५३४१/९७७)
चंदगड - ५५८१६ (५२०२१/३७९५)
आजरा - ४३१०५ (३८२१८/४८८७)
---------------------