कोल्हापूर : येथील शेंडा पार्कमधील राजर्षी शाहू महाराज छत्रपती शासकीय वैद्यकीय महाविद्यालयाच्या प्रयोगशाळेमध्ये शुक्रवारी २ लाख कोरोना चाचण्यांचा टप्पा पूर्ण करण्यात आला.
१ मे २०२० पासून या प्रयोगशाळेत कोरोना चाचण्यांना सुरुवात झाली होती. त्याआधी पुणे येथील राष्ट्रीय विषाणू संशोधन प्रयोगशाळेतून अहवाल येत होते. नंतरच्या काळात शेंडा पार्क येथे ही प्रयोगशाळा उभारण्यात आली. १ मे २०२० पासून या प्रयोगशाळेमध्ये रोज हजारो कोरोनाचे स्वॅब तपासण्यास सुरुवात करण्यात आली. तेव्हा प्रयोगशाळेतील अधिकारी आणि कर्मचाऱ्यांनी रात्रं-दिवस काम करून नागरिकांचे कोरोनाचे अहवाल वेळेवर देण्यासाठी जिवाचे रान केले. शुक्रवारी या चाचण्यांचा २ लाखांचा टप्पा पूर्ण झाला आहे.