पन्हाळा : पन्हाळा नगर परिषदेच्या उपनगराध्यक्षपदी जनसुराज्यशक्ती पक्षाच्या पल्लवी नायकवडी यांची बिनविरोध निवड करण्यात आली. नगर परिषदेच्या सभागृहात झालेल्या सभेत ही निवड करण्यात आली. पीठासन अधिकारी म्हणून नगराध्यक्षा रूपाली धडेल यांनी काम पाहिले.
पन्हाळा नगर परिषदेवर जनसुराज्यशक्ती पक्षाची एकहाती सत्ता आहे. शरयू लाड यांनी उपनगराध्यक्षपदाचा राजीनामा दिल्याने, हे पद रिक्त झाले होते. गुरुवारी सकाळी ११ वाजता पल्लवी नायकवडी यांनी उपनगराध्यक्ष पदासाठी उमेदवारी अर्ज सादर केला. नायकवडी यांचा एकमेव अर्ज दाखल झाल्याने, दुपारी एक वाजता नगराध्यक्षा रूपाली धडेल यांनी त्यांच्या निवडीची घोषणा केली. या वेळी आजी-माजी नगरसेवक व जनसुराज्यशक्ती पक्षाचे कार्यकर्ते मोठ्या संख्येने उपस्थित होते. निवडीनंतर फटाक्यांची आतषबाजी व गुलालाची उधळण करण्यात आली. उपनगराध्यक्षा पल्लवी नायकवडी यांनी या वेळी पन्हाळा स्मशानभूमीला पाच हजार शेणी दिल्या व वृक्षारोपण केले.
फोटो ०८ पल्लवी नायकवडी