ब्राह्मण सभेतर्फे ऑनलाईन वक्तृत्व स्पर्धा

कोल्हापूर : ब्राह्मण सभा करवीर मंगळधाम संस्थेच्यावतीने १ ऑगस्ट रोजी लोकमान्य टिळक यांच्या पुण्यतिथीनिमित्त ऑनलाईन वक्तृत्व स्पर्धेचे आयोजन केले आहे. ‘लोकमान्य टिळक-चौफेर व्यक्तिमत्त्वाचे देशभक्त’, ‘सार्वजनिक उत्सव मजा की सजा’, ‘माझे सुपर हिरो लोकमान्य टिळक’ हे विषय असून ही स्पर्धा ६ ते १५ वर्षे खुली आहे. व्हिडिओचा कालावधी अडीच ते जास्तीत जास्त तीन मिनिटे राहील. स्पर्धेत ऑनलाईन सहभाग नोंदवावा व विद्यार्थ्यांनी व्हिडिओ करून १ ऑगस्ट सायंकाळी सहापर्यंत पाठवून द्यावा. ब्राम्हण सभा करवीर मंगलधाम, स्वातंत्र्यवीर विनायक दामोदर सावरकर मार्ग, बिनखांबी गणेश मंदिरजवळ, कोल्हापूर येथे संपर्क साधावा, असे आवाहन संस्थेचे अध्यक्ष नंदकुमार मराठे व कार्यवाह श्रीकांत लिमये यांनी पत्रकातून केले आहे.