रमेश सुतार
बुबनाळ : औरवाडसह नदीपलीकडील सात गावांसाठी वरदान ठरलेल्या नृसिंहवाडी प्राथमिक आरोग्य केंद्रामार्फत कोविड लसीकरण सुरू झाले आहे. आतापर्यंत या केंद्रांतर्गत येणाऱ्या गावात ४५ वयोगटावरील १० हजार २२८ जण नागरिक असून, यापैकी ५११२ जणांनी लस घेतली आहे. त्यामुळे ५० टक्के लसीकरण पूर्ण झाल्याने प्राथमिक आरोग्य केंद्र लसीकरणात पास झाले आहे.
शासनाकडून लसीकरणाची मोहीम युद्धपातळीवर सुरू असून, ४५ वयोगटावरील नागरिकांना कोरोना लस घेण्यासाठी शासनाने आदेश दिले आहेत. यानुसार नृसिंहवाडी प्राथमिक आरोग्य केंद्रामध्ये ८ मार्चपासून लसीकरणास सुरुवात झाली आहे. या केंद्रांतर्गत औरवाड, गणेशवाडी, कवठेगुलंद, आलास आदी उपकेंद्रांत लसीकरण सुरू आहे.
नृसिंहवाडी ९३ टक्के, औरवाड ४२ टक्के, बुबनाळ १९ टक्के, आलास ४७ टक्के, कवठेगुलंद ६० टक्के, गौरवाड ३४ टक्के, शेडशाळ २६ टक्के, गणेशवाडी २७ टक्के लसीकरण पूर्ण झाले आहे. यामुळे कोरोना लसीकरणात नृसिंहवाडी प्राथमिक आरोग्य केंद्र पास झाले आहे. यासाठी केंद्राचे प्रमुख डॉ. पी. एस. पाखरे, डॉ. क्षितिजा पाटील, डॉ. राहुल वायदंडे, डॉ. प्रियांका दक्षवंत, डॉ. प्राजक्ता गुरव, डॉ. स्वाती कांबळे, प्रयोगशाळा तंत्रज्ञ भीम बोरगावे, आरोग्य सहायक एन. वाय. कांबळे, एस. एस. चव्हाण, शिवमूर्ती बदामे, व्ही. पी. शेजाळ, एस. जी. खोत यांच्यासह आशा स्वयंसेविका, अंगणवाडी सेविका व आरोग्य कर्मचारी परिश्रम घेत आहेत.
कोट - कोविड लसीबाबत अफवांवर विश्वास न ठेवता ४५ वर्षांवरील सर्व नागरिकांनी कोविड लसीकरण केंद्रावर जाऊन लस घ्यावी. लस घेतल्याने शरीरातील प्रतिकारशक्ती वाढण्यास मदत होते.
- डॉ. पी. एस. पाखरे, केंद्रप्रमुख नृसिंहवाडी
फोटो - १२०४२०२१-जेएवाय-०५
फोटो ओळ - नृसिंहवाडी (ता. शिरोळ) येथील प्राथमिक आरोग्य केंद्रात कोविड लसीकरण युद्धपातळीवर सुरू आहे.