या लेखनाची दखल घेत खासदार संभाजीराजे यांनी यापुढच्या काळात कोल्हापूर जिल्ह्याच्या पर्यटन आणि इतिहास संवर्धनाचा मास्टर प्लॅन तयार करणार असून, यानंतरच्या टप्प्यात तज्ज्ञ समितीही नेमणार असल्याचे जाहीर केले आहे. प्रसिद्ध आर्किटेक्ट प्रमोद बेरी यांनीही या लेखाची दखल घेतली आहे.
शहरभान चळवळीचे आर्किटेक्ट जीवन बोडके यांनीही याबाबत काही उपाययोजना सुचविल्या आहेत. शहरभान चळवळीच्यावतीने शहर विकासाचे जे मुद्दे मांडले आहेत, त्याला पूरक असा हा लेख आहे. विद्यापीठ हायस्कूलची जागा मंदिर परिसरात विलीन करण्याची गरज आहे. राजाराम हायस्कूलच्या इमारतीमध्ये संग्रहालय किंवा सिटी लायब्ररी उभारण्याची गरज आहे अशी प्रतिक्रिया त्यांनी व्यक्त केली आहे.
बोडके म्हणाले, कोल्हापूर ही शाहूंची क्रीडानगरी, कलानगरी म्हणून ओळखली जाण्याची गरज आहे. कला, क्रीडा क्षेत्रात दर्जेदार रोजगार उपलब्ध होणार आहेत. दर्जेदार रोजगार उपलब्ध करण्यासाठी, गुणवत्तेचे जीवन जगण्यासाठीचे विकास आणि पर्यटन धोरण कोल्हापूरला गरजेचे आहे. खासदार संभाजीराजे यांनी यासाठी पुढाकार घेतल्यास शहरभर चळवळ त्यांना सहकार्य करेल.
यानिमित्ताने कोल्हापूरच्या पर्यटन आणि ऐतिहासिक संवर्धनाची नव्याने चर्चा सुरू झाली असून, या लेखावर विविध क्षेत्रातील मान्यवरांच्या याच पद्धतीने प्रतिक्रिया येण्यास सुरुवात झाली आहे.
चौकट
महापालिका निवडणुकीत हा कळीचा मुद्दा
येणाऱ्या महापालिका निवडणुकीमध्ये प्रत्येक राजकीय पक्षाला हा मुद्दा मांडावा लागणार आहे. केवळ शाहू महाराजांचे नाव घ्यायचे आणि शहराचे नाव मोठे करणारे प्रकल्प राबविताना मात्र दारिद्र्य दाखवायचे हे आता राजकीय पक्षांनी बंद करावे, अशी नागरिकांची अपेक्षा आहे.