इचलकरंजी : शांतीनगरमध्ये राहणारी एक मुलगी घरी कोणास काहीही न सांगता निघून गेली होती. लक्ष्मी विनोद पाटील (वय १८) असे तिचे नाव आहे. याबाबत बेपत्ता असल्याची वर्दी लता विनोद पाटील यांनी गावभाग पोलीस ठाण्यात दिली होती. सायबर पोलीस व गावभाग पोलिसांच्या मदतीने त्या मुलीस पुणे येथून ताब्यात घेऊन नातेवाइकांच्या हवाली केले.
१६ जुलैला इचलकरंजीमधून दुपारी बाराच्या सुमारास लक्ष्मी ही घरी काहीही न सांगता निघून गेली होती. तिच्याकडे मोबाइल नसल्याने पोलिसांना तिचा शोध घेणे आव्हान बनले होते. गावभाग पोलिसांनी सायबर पोलिसांची मदत घेत सोशल मीडियाद्वारे तिच्या मित्र-मैत्रिणींकडे चौकशी केली.
चौकशीमध्ये पुणे येथील मैत्रीण श्वेता विटकर हिच्या घरी असल्याची माहिती मिळाली. त्यानुसार पोलिसांनी तेथे जाऊन तिला ताब्यात घेत नातेवाइकांच्या हवाली केले.