करवीर पंचायत समितीच्या सभापतीपदी पालकमंत्री सतेज पाटील गटाच्या मंगल आनंदराव पाटील (नेर्ली) यांची बिनविरोध निवड करण्यात आली. करवीरच्या तहसीलदार शीतल मुळे-भांबरे यांच्या अध्यक्षतेखाली ही निवड करण्यात आली. यावेळी पंचायत समितीचे गटविकास अधिकारी जयवंत उगले, उपसभापती अविनाश पाटील यांची प्रमुख उपस्थिती होती. सभापतीपदासाठी मंगल पाटील यांचा एकमेव अर्ज दाखल झाल्याने त्यांची बिनविरोध निवड झाली. निवडीनंतर सभापती मंगल पाटील म्हणाल्या, करवीर पंचायतचा कारभार करताना एका कुटुंबाप्रमाणे सर्वांना बरोबर घेऊन कामकाज केले जाईल. यावेळी सदस्य सुनील पोवार, प्रदीप झांबरे, विजय भोसले, राजेंद्र सूर्यवंशी रमेश चौगले, अश्विनी धोत्रे, अर्चना खाडे, शोभा राजमाने, सविता पाटील, इंद्रजीत पाटील, जि.प.चे माजी उपाध्यक्ष शशिकांत खोत, मीनाक्षी पाटील, चंद्रकांत पाटील, सागर पाटील, मोहन पाटील, कृष्णा धोत्रे, प्रकाश पाटील, निखिल पाटील, सरिता कटेजा, यशोदा पाटील, मालिनी पाटील, भगवान पाटील आदी उपस्थित होते.
चौकट: सासऱ्यानंतर सुनेला सभापतीपदाची संधी
नूतन सभापती मंगल पाटील यांचे सासरे स्व. रामचंद्र सुबराव पाटील हे ४३ वर्षांपूर्वी करवीर पंचायत समितीचे सभापती होते. त्यानंतर आत्ता मंगल पाटील यांना संधी मिळाली आहे. दरम्यान, सभापती निवडीनंतर झालेल्या अभिनंदनपर भाषणात अनेक सदस्यांनी पंचायतसाठी नवी इमारत व्हावी, अशी अपेक्षा व्यक्त केली.
फोटो : २९ मंगल पाटील