कोल्हापूर : सार्वत्रिक लोकसभा निवडणुकीच्या पार्श्वभूमीवर मतदार जागृती कार्यक्रमाच्या अनुषंगाने महानगरपालिका प्राथमिक शिक्षण समिती व करवीर पंचायत समितीच्या वतीने विविध ठिकाणी पथनाट्याचे सादरीकरण सुरू आहे.ऐतिहासिक बिंदू चौक, भवानी मंडप, मध्यवर्ती बसस्थानक, रेल्वे स्टेशन अशा गर्दीच्या ठिकाणी नियमितपणे पथनाट्याद्वारे मतदारांमध्ये जागृतीचे काम केले जाणार आहे.
शहरातील गजबज असलेल्या ऐतिहासिक बिंदू चौकात महानगरपालिकेचे आयुक्त डॉ. मल्लिनाथ कलशेट्टी, उपायुक्तमंगेश शिंदे, शहर अभियंता नेत्रदीप सरनोबत, उपमुख्य कार्यकारी अधिकारी कोल्हापूर प्रियदर्शनी मोरे, गटविकास अधिकारी करवीर तथा आचारसंहिता प्रमुख सचिन घाटगे, गटशिक्षणाधिकारी तथा नोडल अधिकारी एस. के. यादव, सहायक नोडल अधिकारी डी. एस. तळप, शैक्षणिक पर्यवेक्षक बाळासाहेब कांबळे, उषा सरदेसाई व शांताराम सुतार यांच्या उपस्थितीत मतदार जागृती पथनाट्याचे सादरीकरण करण्यात आले.मतदार जागृती पथनाट्याच्या सादरीकरणामध्ये प्राथमिक शाळेकडील प्रभाकर लोखंडे, सरिता सुतार, अजित पाटील, निता खाडे, साताप्पा पाटील, उषा सरदेसाई, संतोषकुमार कदम, दिग्विजय नाईक, आदिती जाधव, विक्रम भोसले, क्षमा खोमणे, जयश्री पुजारी व नामदेव वाघ या शिक्षकांनी सहभाग घेतला होता.