खोची : लाटवडे, बुवाचे वाठार येथे सत्तांतर झाले तर खोचीत संमिश्र कौल मिळाल्याने सत्ता स्थापनेचा तिढा निर्माण झाला आहे. लाटवडेत माजी जिल्हा परिषद सदस्य अमरसिंह पाटील, राष्ट्रवादी काँग्रेसचे विधानसभा अध्यक्ष संभाजी पवार, माजी उपसरपंच दिनकर पाटील, राजाराम साखर कारखान्याचे माजी अध्यक्ष शिवाजीराव पाटील यांच्या नेतृत्वाखालील नृसिंह महाविकास आघाडीने १५ पैकी १४ जागा जिंकल्या. वारणा बँकेचे उपाध्यक्ष उत्तम पाटील, अॅड शहाजी पाटील, अमर पंडित पाटील, किरण माळी, अशोक माळी यांच्या नेतृत्वाखालील नृसिंह युवक क्रांती आघाडीला पराभव पत्करावा लागला. बुवाचे वाठार येथे ऊसभूषण शेतकरी शंकरराव शिंदे यांच्या नेतृत्वाखालील पॅनेलने १० जागा जिंकत वारणा गटाचे नेते बाळासो पाटील, गुणधर मडके, भीमराव शिंदे यांच्या पॅनेलचा दणदणीत पराभव केला. खोचीत ए. बी. पाटील, बी. के. चव्हाण यांच्या नेतृत्वाखालील पॅनेलला सहा, अजय पाटील यांच्या नेतृत्वाखालील पॅनेलला चार तर अमरसिंह पाटील यांच्या पॅनेलला तीन जागा मिळाल्या.
फोटो १८ लाटवडे निकाल
ओळी-१) लाटवडे येथे नृसिंह महाविकास आघाडीच्या कार्यकर्त्यांनी जेसीबीच्या सहाय्याने गुलालाची उधळण करत जल्लोष केला. (सृष्टी फोटो, लाटवडे) २) लाटवडे येथे नृसिंह महाविकास आघाडीच्या विजयी समर्थकांनी जल्लोष केला. (छाया - सृष्टी फोटो, लाटवडे)