कोल्हापूर : कोल्हापूर जिल्हा क्रिकेट असोसिएशनतर्फे आयोजित करण्यात आलेल्या १९ वर्षाखालील मालती पाटील चषक क्रिकेट स्पर्धेत शनिवारी करवीर तालुका क्रिकेट असोसिएशनने गडहिंग्लज तालुका क्रिकेट असोसिएशनचा ६४ धावांनी पराभव करीत विजयी सलामी दिली.
राजाराम काॅलेजम मैदानावर झालेल्या या सामन्यात करवीर तालुका संघाने ४० षटकात सर्वबाद १६८ धावा केल्या. यात नितीश केबानी ५४, वर्चस्व मोरे १९, करण चव्हाणने १५, अनुराग मिस्त्रीने १५ धावा केल्या. गडहिंग्लजकडून गोलंदाजी करताना सम्मेद महाजन, वेदांत पाटी, प्रेम चौधरी, भारती जाधव यांनी प्रत्येकी एक बळी घेतला. उत्तरादाखल खेळताना गडहिंग्लज संघाला हे आवाहन पेलवले नाही. २५.१ षटकांत सर्वबाद १०४ धावाच करता आल्या. यात प्रणव पाटीलने २७, वेदात पाटीलने नाबाद २०, शिरीष माळवीने १३ धावा केल्या. करवीरकडून भेदक गोलंदाजीचे प्रदर्शन करीत मुस्तकीम पठाणने ६, श्रेयस पाटील व पार्थ पाटीलने प्रत्येकी दोन बळी घेत गडहिंग्लज संघाचा पराभव केला.