--------------
साडीच्या लूकमध्ये पूजा हेगडेचा ‘बोल्ड’ तडका
साऊथ आणि बॉलिवूड फिल्म इंडस्ट्रीत आपल्या सौंदर्याने प्रेक्षकांना घायाळ करणारी अभिनेत्री पूजा हेगडेने पुन्हा एकदा आपल्या फॅन्ससोबत साडीमधला हॉट लूक तिच्या इन्स्टाग्राम अकाउंटवर शेअर करत बोल्डनेसचा तडका लावला आहे. सुप्रसिद्ध फॅशन डिझाइनर मनीष मल्होत्राने डिझाइन केलेली व्हाइट-गोल्डन आणि सिल्वर शिमरी एम्ब्रॉयडरी वर्क केलेल्या साडीवर तीने डीप कट आणि पिवळ्या रंगाचा ब्लाउज परिधान केलाय. केसांवर एक बन बांधल्यामुळे तिचा परफेक्ट लूक खुलून दिसतोय. कानांमध्ये अनमोल ज्वेलर्सचे मोठ्या आकाराचे झुमके, हिऱ्यांच्या बांगड्या आणि बोटांमध्ये अंगठीने तिच्या साडीमधल्या लूकला पूर्ण केलंय. तिच्या या फोटोजवर फॅन्सनी लाइक्स आणि कमेंट्सचा अक्षरशः पाऊस पाडलाय.
--------------
प्रियांकाने अमेरिकेत देसी पदार्थांवर मारला ताव
बॉलिवूडची देसी गर्ल प्रियांका चोप्राने ब्रिटनमध्ये तिच्या ‘सिटाडेल’ चं शूटिंग पूर्ण केलं असून ती पुन्हा अमेरिकेत परतली आहे. प्रियांका सोशल मीडियावरून चाहत्यांच्या संपर्कात राहते. अमेरिकेत परतताच प्रियांकाला मात्र भारतीय पदार्थ खाण्याचा मोह आवरलेला दिसत नाही. प्रियांकाने भारतीय खाण्यावर मनसोक्त ताव मारला आहे.प्रियांकाने तिच्या इन्स्टास्टोरीला फोटो आणि व्हिडीओ शेअर केलाय. प्रियांकाने तिच्या न्यूयॉर्कमधील रेस्‍त्रांमध्ये भारतीय पदार्थांवर ताव मारत पेटपूजा केलीय. प्रियांकाने तिच्या सोना या न्यूयॉर्कमधील हॉटेलमध्ये या खाण्याची मजा लुटलीय. यात चटणी सांबरसोबत तिने डोस्याची चव चाखलीय. तर ब्रेड पकोड्यावर देखील ताव मारल्याचं पाहायला मिळतंय.
-----------------------
करीनाचा ड्रेस पाहून भडकला होता सैफ
अभिनेत्री करीना कपूर तिच्या खास ड्रेसिंग स्टाइलसाठी ओळखली जाते. दोन मुलांना जन्म दिल्यानंतरही करीनाच्या फॅशनमध्ये बदल झालेला नाही. मात्र ‘विरे दी वेडिंग’ सिनेमाच्या प्रमोशनवेळी करीनाचा ड्रेस पाहून सैफ अली खान तिच्यावर चांगलाच भडकला होता. एवढच नाही तर त्याने करीनाला कपडे बदलून दुसरा ड्रेस घालण्यास सांगितलं होतं. या सिनेमाच्या एका म्युझिक इव्हेंटमध्ये ब्लॅक कलरचा स्कर्ट आणि टॉप, त्यावर ओव्हर कोट असा करीनाचा ग्लमरस लूक सर्वाचं लक्ष वेधून घेत होता. करीना कपूरने स्वत: एका मुलाखतीत या गोष्टीचा खुलासा केला होता.
-----------------------
(संदीप आडनाईक)
===Photopath===
260621\26kol_2_26062021_5.jpg~260621\26kol_3_26062021_5.jpg
===Caption===
साडीच्या लूकमध्ये पूजा हेगडे~बॉलिवूडची देसी गर्ल प्रियांका चोप्रा