नागनाथ एज्युकेशन सोसायटी संचलित नरंदे हायस्कूलमध्ये ध्वजारोहण ॲड. विनायक गावडे यांच्या हस्ते करण्यात आले. संस्थापक प्रतापराव देशमुख यांनी शाळेच्या प्रगतीचा आढावा घेतला. ग्रामपंचायत कार्यालय येथे सदस्य विनोद भंडारी यांनी ध्वजारोहण केले. बुवाचे वाठार ग्रामपंचायत कार्यालय येथे सरपंच रीना शिंदे, तर सार्वजनिक चौकात सरपंच शंकर शिंदे यांच्या हस्ते ध्वजारोहण करण्यात आले.
खोची येथे ग्रामपंचायत कार्यालयासमोर सरपंच जगदीश पाटील यांनी ध्वजारोहण केले.
भेंडवडे येथे ग्रामपंचायत कार्यालयासमोर जिल्हा आपत्ती व्यवस्थापन टीमचे सुमित चव्हाण यांच्या हस्ते ध्वजारोहण करण्यात आले. यावेळी सरपंच काकासो चव्हाण, उपसरपंच डॉ. संजय देसाई उपस्थित होते.
लाटवडे येथील ग्रामपंचायत कार्यालयासमोर उपसरपंच बाळासाहेब भोपळे यांच्या हस्ते ध्वजारोहण करण्यात आले. यावेळी सरपंच संभाजी पवार, सदस्य उपस्थित होते.
फोटो ओळी-नरंदे येथील शरद सहकारी साखर कारखाना कार्यस्थळावर आदित्य पाटील (यड्रावकर) यांच्या हस्ते ध्वजारोहण करण्यात आले. यावेळी अजित उपाध्ये, आप्पासाहेब चौगुले, डी. बी. पिष्टे, संजय नांदणे, दीपक पाटील, लक्ष्मण चौगुले उपस्थित होते.