लोकमत न्यूज नेटवर्क,
कोल्हापूर : जिल्हा पानपट्टी असोसिएशनमार्फत गुणवंत दुकानदारांचा सत्कार व दिनदर्शिका प्रकाशन सोहळा उद्योगपती प्रशांत इंगळे, मनोहर केसरकर आणि ज्येष्ठ पत्रकार सुधाकर काशीद यांच्या उपस्थितीत पार पडला. चित्रदुर्ग मठ येथे रविवारी या कार्यक्रमाचे आयोजन करण्यात आले होते.
यानिमित्त उद्योगपती इंगळे यांनी संघटनेच्या प्रत्येक उपक्रमात सहभागी होऊन सर्वतोपरी मदत करण्याची ग्वाही दिली. यावेळी ज्येष्ठ पत्रकार काशीद यांनीही मनोगत व्यक्त केले. जिल्हाध्यक्ष अरुण सावंत यांनी संघटनेच्या कार्याचा आढावा घेतला. नवीन कार्यकारिणी जाहीर केली. यावेळी असोसिएशनच्या दुकानदार सभासदांनी मुख्यमंत्री कोविड निधीसाठी एक लाख रुपयांचा निधी दिल्याबद्दल त्यांचे आभार मानले. संघटनेमार्फत पान प्रशिक्षण शिबिर, व्यावसायिक प्रशिक्षणासाठी अहमदाबाद, हैद्राबाद व इंदौर येथे अभ्यास सहल आयोजित केली जाणार असल्याची माहिती दिली. यावेळी असोसिएशनचे पदाधिकारी व सभासद मोठ्या संख्येने उपस्थित होते.
फोटो : २७१२२०२०-कोल-पानपट्टी
आेळी : कोल्हापुरातील दसरा चौकातील चित्रदुर्ग मठात जिल्हा पानपट्टी असोसिएशनतर्फे रविवारी आयोजित करण्यात आलेल्या दिनदर्शिका प्रकाशन व गुणवंत दुकानदारांचा सत्कार समारंभ झाला. याप्रसंगी मान्यवर उपस्थित होते.
(छाया : नसीर अत्तार)