लोकमत न्यूज नेटवर्क
पेठवडगाव : कोरोना महामारीच्या संकटात विजयसिंह यादव प्रतिष्ठानने अन्नदान तसेच रुग्णसेवा करण्याचे काम सामाजिक बांधीलकीने जोपासले आहे. कोरोना योद्ध्यांचा सन्मान करून त्यांना मानसिक पाठबळ देण्याचे काम प्रतिष्ठानने केले असून स्वर्गीय विजयसिंह यादव यांचा वारसा जपण्याचे काम विद्या पोळ यांच्याकडून होत आहे असे प्रतिपादन माजी उपनगराध्यक्ष डॉ. अशोक चौगुले यांनी केले.
येथील माजी नगराध्यक्ष स्व. विजयसिंह यादव यांच्या जयंतीनिमित्त आयोजित कोरोना योद्ध्यांच्या सन्मान सोहळ्याप्रसंगी बोलत होते. अध्यक्षस्थानी माजी पोलीस आयुक्त गुलाबराव पोळ होते. यावेळी माजी नगराध्यक्षा विजयादेवी यादव, प्रतिष्ठानच्या अध्यक्षा विद्या पोळ, पोलीस उपअधीक्षक संदीप पाटील, माजी उपनगराध्यक्ष सुनील हुकेरी, माजी नगरसेवक राजकुमार पोळ, संगीता मिरजकर, रणजितसिंह यादव, कार्यवाह अभिजित गायकवाड, प्राचार्य प्रदीप पाटील, प्राचार्य विजया चव्हाण, जयभवानीचे अध्यक्ष विलास सणगर, उपस्थित होते.
प्रतिष्ठानच्या अध्यक्षा विद्या पोळ म्हणाल्या, वडगावातील
कोरोना योद्ध्यांनी वडगावच्या जनतेसाठी केलेले मानवतावादी काम गौरवास्पद आहे. त्यांचा सन्मान करून ऋणातून उतराई होण्याचा आम्ही प्रयत्न करीत आहोत.
यावेळी विजयसिंह यादव प्रतिष्ठानच्या वतीने कोरोना काळात
समाजभान राखलेले वैद्यकीय अधिकारी, पत्रकार, व्यापारी, सामाजिक कार्यकर्ते, वैद्यकीय कर्मचारी, पोलीस व पालिकेचे आरोग्य,
स्वच्छता, पाणीपुरवठा कर्मचारी, बळवंतराव यादव हायस्कूलचे कर्मचारी, आदींचा प्रातिनिधिक स्वरूपात कोरोना योद्ध्यांचा पालिका चौकात फलक लावण्यात आले होते. त्यांचा सत्कार करण्यात आला. यावेळी सुधाकर पिसे, नारायण कोळेकर, माजी नगराध्यक्ष अभिजित पोळ, पर्यवेक्षक पी.बी. पाटील यांनी मनोगत व्यक्त केले.
प्रास्ताविक प्राचार्य प्रदीप पाटील यांनी केले. सूत्रसंचालन प्रशांत भोरे तर डॉ. श्रीकांत पाटील यांनी आभार मानले. यावेळी शोभा देसावळे, आनंदा म्हेत्रस, विजय शहा, आप्पासाहेब पाटील, विशाल वडगावे, मनीषा पोळ, मुख्याध्यापिका आनंदी माने, श्रुती महाजन आदी उपस्थित होते.
फोटो-पेठवडगाव येथील विजयसिंह यादव प्रतिष्ठाच्यावतीने कोरोना योद्ध्यांच्या सन्मान सोहळ्यात उपस्थित माजी पोलीस आयुक्त गुलाबराव पोळ, विद्या पोळ, डॉ. अशोक चौगुले, सुनील हुकेरी, उपअधीक्षक संदीप पाटील, प्राचार्य प्रदीप पाटील आदी. (छाया अभिजित वाघमारे)