गडहिंग्लज : गिजवणे (ता. गडहिंग्लज) येथील ग्रामपंचायतीची निवडणूक ६८ वर्षांत पहिल्यांदाच बिनविरोध झाली. यानिमित्ताने गावातील पारंपरिक राजकीय संघर्षाला मूठमाती मिळाली. नव्या १३ सदस्यांमध्ये विद्यमान सदस्या अन्नपूर्णा नाईक यांना वगळता सर्व नव्या चेहऱ्यांना संधी देण्यात आली. गेल्या तीन दशकांपासून अपवाद वगळता ग्रामपंचायतीवर बी. टी. पाटील गटाचीच सत्ता आहे. त्यांचे चिरंजीव आणि जिल्हा परिषदेचे उपाध्यक्ष सतीश पाटील यांच्याकडे सध्या नेतृत्व आहे. ते जिल्ह्यातील राष्ट्रवादीचे प्रमुख कार्यकर्ते आहेत. त्यांच्याशिवाय गावात काँग्रेसचे तालुकाध्यक्ष बी. एन. पाटील, जनता दलाचे बाबासाहेब पाटील, भाजपचे राजगोंडा पाटील, राष्ट्रवादीचे माणिक पाटील ही मंडळी राजकारणात सक्रिय आहेत. या सर्वांनी एकत्र येऊन ही निवडणूक बिनविरोध केली.
नवनिर्वाचित ग्रामपंचायत सदस्यांत अन्नपूर्णा प्रकाश नाईक, शशिकला संजय पोडजाळे, भूषण अप्पासाहेब गायकवाड, उमेद महावीर पाटील, स्नेहल अमित दळवी, पौर्णिमा राणाप्पा कांबळे, लक्ष्मण बाबूराव शिंदे, सुगंधा सुभाष कुंभार, वर्षा किरण पाटील, नितीन अण्णासाहेब पाटील, केदारी बाबूराव कुंभार, शिल्पाताई रमेश पाटील, अमित श्रीपती देसाई यांचा समावेश आहे. निवडणूक बिनविरोधसाठी सुकाणू समितीचे प्रमुख माजी सरपंच ए. आर. पाटील, प्रकाश पुजारी, आर. बी. कांबळे, अण्णाप्पा दळवी व अलीखान पठाण यांनी महत्त्वाची भूमिका बजावली.
-------------------------
फोटो ओळी : गिजवणे (ता. गडहिंग्लज) येथील ग्रामपंचायतीची निवडणूक ६८ वर्षांत पहिल्यांदाच बिनविरोध झाली. यावेळी जिल्हा परिषदेचे उपाध्यक्ष सतीश पाटील, बी. एन. पाटील, बाबासाहेब पाटील यांच्यासह नूतन ग्रामपंचायत सदस्य व ग्रामस्थ उपस्थित होते.
क्रमांक : ०५०१२०२१-गड-०४