एकचा क्वॉईन टाका, ई टॉयलेटमध्ये जावा

शेखर धोंगडे ।लोकमत न्यूज नेटवर्ककोल्हापूर : रस्त्यावर कोणीही उघड्यावर शौचास बसू नये, तसेच होणाºया दुर्गंधी व प्रदूषणामुळे सर्वांचे आरोग्य सुरक्षित रहावे यासाठीच स्वच्छ भारत अभियानअंतर्गत आता ‘एक रुपयाचे क्वाईन टाका व अत्याधुनिक अशा ई टॉयलेट’ सुविधेचा वापर करा, असे आवाहन शासनपातळीवरून होत आहे. त्यास प्राथमिक स्तरावर शहरी भागातून सकारात्मक प्रतिसाद मिळत असून, याची मागणीही वाढत असल्याचे दिसून येत आहे.पंतप्रधान नरेंद्र मोदी यांच्या स्वच्छ भारत अभियानाअंतर्गत ई टॉयलेट ही संकल्पना देशातील प्रत्येक गावा-गावांत राबविण्यात येत आहे. येत्या चार वर्षांत सिमला ते कन्याकुमारी व गुजरात ते आसामपर्यंत ई टॉयलेट सुविधा देण्यात येणार आहे.भारतात तमिळनाडू, केरळ, आंध्रप्रदेशसह महाराष्ट्रात नवी मुंबई, महाबळेश्वर, पाचगणी, सोलापूर येथे ई टॉयलेट येथे ही सुविधा आहे.कोल्हापूर येथे रुईकर कॉलनी, मेरी वेदर ग्राऊंड, बिंदू चौकानजीक, ताराबाई गार्डन अशा चार ठिकाणी ही सुविधा सुरू झाली आहे. महापालिकेच्या सूचनेनुसार आणखी काही ठिकाणी ई टॉयलेट सुविधा सुरू केली जाणार आहे.सातारा, सासवड, अकोला, सिंधुदुर्ग, रत्नागिरी, नाशिक, कल्याण-डोेंबिवली तसेच पुणे येथे स्मार्ट सिटीअंतर्गत येत्या काही महिन्यांत ही सुविधा सुरू होईल, असे ईराम सांयटिफिक सोल्यूशन कंपनीतर्फे सांगण्यात आले. पहिले सहा महिने ते एक वर्ष कंपनीकडून दुरुस्ती व स्वच्छतेची सेवा मोफत पुरविली जाईल. त्यानंतर मात्र ठराविक रक्कम घेऊन स्वच्छता व दुरुस्तीची जबाबदारी कंपनीकडेच राहील.ई टॉयलेट वापरण्याचीपद्धत व सुविधासंपूर्ण स्टेनलेस स्टील बॉडी व अत्याधुनिक व जीपीएस यंत्रणा बसवलेले हे ई टॉयलेट १ रुपयाचे कॉईन टाकल्यानंतर दरवाजा उघडला जातो. आत गेल्यानंतर पाण्याची योग्य सुविधा, स्वच्छतेची पूरेपुर काळजी घेण्याबरोबरच युपीएस, लाईट, आवश्यक तितके पाणी व बचत यांचा मेळ घालण्यात आला आहे. येथे लोकेशन, तक्रारीही नोंदविता येणार आहे. महिलांसाठी सॅनिटरी नॅपकीन व्हेडिंग मशीनचीही सुविधा दिली आहे.वैशिष्ट्येइलेक्ट्रॉनिक तंत्रज्ञानाचा वापर व सेन्सर, एलईडी अशा विविध सुविधा ई-टॉयलेटमध्ये उपलब्ध आहेत.युपीएस बॅटरीची सुविधाचार तासांत संपूर्ण स्वच्छतादररोज ५० ते ७० लोकांना वापरण्यास योग्यपाण्याच्या बचतीचाही यात विचार केला आहे.