अनेक वर्षांपासून त्यांना मधुमेहाचा त्रास सुरू होता. काही दिवसांपूर्वी त्यांना कोल्हापूर येथील खासगी रुग्णालयात उपचारासाठी दाखल करण्यात आले होते. पाटील यांच्या निधनाने शिक्षण विभागातील एक जाणकार व्यक्ती हरविल्याची भावना शिक्षणक्षेत्रातून व्यक्त होत होती.
मनमिळाऊ स्वभावाचे आर. डी. पाटील (वडगावकर) हे मूळचे भादोले गावचे होते. पेठवडगाव येथील बळवंतराव यादव हायस्कूल व ज्युनिअर कॉलेजमध्ये त्यांनी तीस वर्षे प्राचार्य म्हणून काम केले. येथेच वडगावला स्थायिक झाले.
वडगाव पालिकेत यादव पॅनेल आघाडीतून प्रथमच १९९१ ला विजयी झाले. यावेळी त्यांना विरोधी गटनेत्याची संधी मिळाली होती, तर १९९६ ला स्वीकृत, तर २००६ या पुन्हा वडगावचे नगरसेवक म्हणून संधी मिळाली होती.
प्रिन्स शिवाजी मराठा बोर्डिंगचे संचालक म्हणून १९९४ पासून ते कार्यरत होते. २०१० ते २०१९ पर्यंत ते संस्थेचे व्हाईस चेअरमन होते.
त्यानंतर डी. बी. पाटील यांच्या पश्चात त्यांची १ नोव्हेंबर २०१९ ला प्रिन्स शिवाजी मराठा बोर्डिंग या संस्थेच्या चेअरमनपदी नियुक्ती झाली होती. दुपारी आर. डी. पाटील (वडगावकर) यांचे पार्थिव संस्थेच्या कार्यालयात ठेवण्यात आले होते. येथे दुपारी दर्शन घेण्यासाठी संस्थेचे अध्यक्ष व्ही. जी. बोराडे, व्हाईस चेअरमन डी. जी. किल्लेदार, मुख्याध्यापक व संचालक आर. डी. पाटील, विनय पाटील, के. जी. पाटील, सविता पाटील, प्राचार्य आर. डी. पाटील, माजी प्राचार्य आर. सी. गोडसे, अजीव सेवक सी. एम. गायकवाड उपस्थित होते. त्यानंतर पेठवडगाव येथील नवीन वसाहती घरी पार्थिव नेण्यात आले. त्यानंतर शहरातील प्रमुख मार्गावरून अंत्ययात्रा काढण्यात आली. किणी रोडवरील स्मशानभूमीत अंत्यसंस्कार करण्यात आले. यावेळी पेठवडगाव येथे पाटील यांना आमदार जयंत आसगावकर, नगराध्यक्ष मोहनलाल माळी, प्राचार्य प्रदीप पाटील, प्राचार्य एन. के. शिंदे, बी. जी. बोराडे, अशोक माने, आर. डी. पाटील (तांदूळवाडीकर), डी. एस. घुगरे, गुरूप्रसाद यादव, आदींनी श्रद्धांजली अर्पण केली.
मान्यवरांनी घेतले पाटील यांचे अंत्यदर्शन
माजी खासदार जयवंतराव आवळे, आमदार राजू आवळे, आमदार जयंत आसगावकर, माजी पोलीस आयुक्त गुलाबराव पोळ, नगराध्यक्ष मोहनलाल माळी, जिल्हा परिषद सदस्य डाॅ. अशोक माने, डी. एस. घुगरे, आदींसह शैक्षणिक क्षेत्रातील अनेक मान्यवरांनी अंत्यदर्शन घेतले.