कोल्हापूर : पंचतारांकित एम.आय.डी.सी.मधील आर्या स्टील या नामांकित कंपनीतर्फे कोरोना रुग्णांसाठी मदत म्हणून १० ऑक्सिजन काॅन्सन्ट्रेटरचे वाटप करण्यात आले.
सामाजिक बांधिलकी आणि कोरोना रुग्णांना मदत व्हावी. या उद्देशाने आर्या स्टीलतर्फे एकूण दहा काॅन्सन्ट्रेटर विविध कोविड सेंटरना प्रदान करण्यात आले. यातील पाच जिल्हाधिकारी दौलत देसाई यांच्याकडे, तर उर्वरित काॅन्सन्ट्रेटर पॅव्हेलियन कोविड सेंटर कसबा बावडा येथे दोन, सचिन हाॅस्पिटल, आजरा कोविड सेंटर आणि मेरी वाॅनलेस हाॅस्पिटल येथे प्रत्येकी एक सुपूर्द करण्यात आले. यासोबतच सॅनिटायझरचेही वितरण करण्यात आले. यावेळी कंपनीचे चेअरमन अलोक बन्सल, वासू बन्सल, रितिक बन्सल, अंकुश सिंगला व व्यवस्थापक मनीष बामणे आदी उपस्थित होते.
फोटो : २२०५२०२१-कोल-आर्या स्टील
ओळी : पंचतारांकित एम.आय.डी.सी.तील आर्या स्टील कंपनीतर्फे कोरोना रुग्णांसाठी १० ऑक्सिजन काॅन्सन्ट्रेटरचे वाटप करण्यात आले. यावेळी कंपनीचे चेअरमन अलोक बन्सल, वासू बन्सल, रितिक बन्सल, अंकुश सिंगला, मनीष बामणे आदी उपस्थित होते.