गांधीनगर : पंचगंगा नदीला आलेल्या महापुरामुळे गांधीनगर येथील स्थलांतरित झालेल्या ६० पूरग्रस्त कुटुंबांना धान्य व भोजन देण्याची व्यवस्था गांधीनगर येथील मामा बॉईज व विजय माने ग्रुपच्यावतीने करण्यात आली.
पंचगंगा नदीला आलेल्या पुरामुळे अनेक कुटुंबांचे घरदार उद्ध्वस्त झाले असून, त्यांना सामाजिक बांधिलकीचा हात पुढे करत गांधीनगर व वळीवडे येथील सुमारे ६० कुटुंब पूरग्रस्त झाल्याने त्यांना मूलभूत गरजा पोहोचवणे गरजेचे होते. त्या अनुषंगाने या ग्रुपने गरजू व पूरबाधित कुटुंबीयांना चहा, नाष्टा, भोजनाची व्यवस्था करताना धान्याच्या किटचे वाटप केले. यावेळी विजय माने, बंटी आवळे, रोहित हेगडे, राहुल हेगडे, अध्यक्ष अमित पोवार, उपाध्यक्ष अनिल हेगडे, योहान हेगडे, आशिष आवळे, डेव्हिड हेगडे, तरुण मंडळाचे अध्यक्ष अनिल हेगडे आदी कार्यकर्ते मोठ्या संख्येने उपस्थित होते.
फोटो : २८ गांधीनगर मदत
ओळी.
गांधीनगर (ता. करवीर) येथील कोयना कॉलनीतील स्थलांतरित पूरग्रस्तांना अन्नधान्य व भोजनाचे वाटप करण्यात आले.