स्थानिक पोलिसांची कोणतीही परवानगी असल्याशिवाय मोर्चा काढू शकत नाही. राज्य किंवा राष्ट्रीय महामार्ग अडवू शकत नाही. रहदारीला अडचण होईल, असे करू नये. रॅलीदरम्यान कोणतीही वादग्रस्त तेढ निर्माण करणारी भाषणे करू नयेत आणि घोषणा देऊ नयेत.
काळी फीत, काळे निशाण परिधान करू नये, रॅलीत सायकली, बॅनर नको, अशा सूचना नोटीसमध्ये बजाविण्यात आल्या आहेत.
युवा समितीचे अध्यक्ष शुभम शेळके, मध्यवर्ती अध्यक्ष दीपक दळवी यांच्यासह समिती नेत्यांना या नोटीस बजाविण्यात आल्या आहेत. मार्केट पोलीस उपायुक्त सदाशिव कट्टीमनी यांनी नोटीस बजावली आहे.
सोमवारी सकाळी ११ वाजता धर्मवीर संभाजी चौकातून मोर्चाला सुरुवात होणार असून, जिल्हाधिकारी कार्यालयावर हा मोर्चा काढण्यात येणार आहे. महाराष्ट्रामधून शिवसैनिक बेळगावात दाखल होऊ नयेत, म्हणून पोलिसांनी बंदोबस्त वाढवला असून, सीमेवर तपासणी सुरू केली आहे.