डी. वाय.पाटील अभियांत्रिकी महाविद्यालयाच्या २०२२ बॅचसाठीचा प्लेसमेंट सिझन नुकताच सुरू झाला आहे. या बॅचच्या विद्यार्थ्यासाठी महाविद्यालयाने पहिला दिवस 'डीएक्ससी टेक्नोलॉजी'साठी दिला होता. पहिल्या दिवशी विविध शाखांमधील १५३ विद्यार्थी अंतिम फेरीसाठी पात्र ठरले होते. यामधील ५७ विद्यार्थ्याची कंपनीने नोकरीसाठी निवड केली आहे. या विद्यार्थ्यांना चार लाख रुपयांचे पॅकेज देण्यात आले असल्याची माहिती कार्यकारी संचालक डॉ. अनिल कुमार गुप्ता व प्राचार्य डॉ. संतोष चेडे यांनी दिली. या कंपनीत निवड झालेल्यांमध्ये कॉम्प्युटर सायन्स विभागातील ३०, मॅकेनिकल विभागातील १५, इलेक्ट्रोनिक्स अँड टेलिकम्युनिकेशन विभागातील १० व केमिकल विभागातील २ विद्यार्थ्यांचा समावेश आहे. २०२२ बॅचच्या विद्यर्थ्यांसाठी येत्या १५ दिवसात आणखी ५ कंपन्यांचा प्लेसमेंट ड्राईव्ह आयोजित करण्यात आला आहे. या सर्व कंपन्यात मिळून २०० हून अधिक विद्यार्थ्याना नोकरीची संधी मिळेल, असा विश्वास डॉ. गुप्ता यांनी व्यक्त केला.
या सर्व यशस्वी विद्यार्थ्यांशी संस्थेचे विश्वस्त आमदार ऋतुराज पाटील यांनी संवाद साधत त्यांना पुढील वाटचालीसाठी शुभेच्छा दिल्या. विद्यार्थ्यांना अधिष्ठाता डॉ. क्षमा कुलहल्ली, प्रा. सुदर्शन सुतार, राधिका ढणाल यांचे विशेष सहकार्य लाभले.
कोट : सर्वागीण विकासावर भर
डी. वाय.पाटील अभियांत्रिकी महाविद्यालयात विद्यार्थ्यांच्या सर्वांगीण विकासासाठी प्रथम वर्षापासूनच व्यक्तिमत्त्व विकास विषय अनिवार्य केला आहे. विविध सॉफ्ट स्कील ट्रेनिंगही दिली जातात. मिळालेले हे यश म्हणजे विद्यार्थ्यांच्या सर्वांगीण विकासासाठी महाविद्यालयाकडून केले जात असलेले प्रयत्न आणि विद्यार्थी व प्राध्यापकांच्या कष्टाची पोहचपावती आहे. आमदार ऋतुराज पाटील, विश्वस्त, डी. वाय. पाटील ग्रुप.
फोटो : २९ डीवायपी
डीएक्ससी टेक्नॉलॉजीमध्ये निवड झालेल्या विद्यार्थ्यांसमवेत विश्वस्त आमदार ऋतुराज पाटील, कार्यकारी संचालक डॉ. अनिलकुमार गुप्ता, प्राचार्य डॉ. संतोष चेडे, डॉ. क्षमा कुलहल्ली, प्रा. सुदर्शन सुतार, राधिका ढणाल, मकरंद काईंगडे व प्राध्यापक.