ध्येयाचा रोड मॅप तयार करा

रंगनाथ नाईकडे : राजर्षी शाहू लोकशिक्षण व्याख्यानमाला

कोल्हापूर : ध्येयाचा रोड मॅप तयार करा. या रोडवरील खाच-खळग्यांचा अभ्यास करा; पण न्यूनगंड बाळगू नका़ यूपीएससी आणि एमपीएससी ही समाजाची सेवा करण्याची एक उत्तम संधी आहे़ ही संधी अजिबात दवडू नका, असा कानमंत्र प्रादेशिक उपवनसंरक्षक रंगनाथ नाईकडे यांनी दिला़ कोल्हापूर महानगरपालिकेतर्फे आयोजित राजर्षी शाहू लोकशिक्षण व्याख्यानमालेस काल, मंगळवारपासून गांधी मैदान येथील राजर्षी शाहू स्पर्धा परीक्षा अभ्यासकेंद्रात सुरुवात झाली. या व्याख्यानमालेचे पहिले पुष्प गुंफताना ते बोलत होते़ ‘एमपीएससी-यूपीएससीचे बदलते स्वरूप व आव्हाने’ हा व्याख्यानाचा विषय होता. अध्यक्षस्थानी महापौर तृप्ती माळवी होत्या़ नाईकडे म्हणाले, स्पर्धा परीक्षेचा अभ्यास करणाऱ्या विद्यार्थ्यांनी सकारात्मक दृष्टिकोन बाळगणे गरजेचे आहे़ पदवीचा अभ्यास करत असलेल्या विद्यार्थ्यांपुढे खासगी की सरकारी नोकरी, असा प्रश्न उभा राहतो; पण प्रशासकीय सेवा समाजसेवेची संधी देण्याचे उत्तम व्यासपीठ आहे़ तरुणांनी या व्यासपीठावर उपयोग करून घेतला पाहिजे़ उपायुक्त विजय खोराटे यांनी, विद्यार्थ्यांनी महापालिकेच्या स्पर्धा परीक्षेच्या उपक्रमाचा फ ायदा घ्यावा, असे आवाहन केले़ महापौर तृप्ती माळवी यांच्या हस्ते दीपप्रज्वलन करून या व्याख्यानमालेचे उद्घाटन करण्यात आले़ यावेळी उपमहापौर मोहन गोंजारे, राजेश लाटकर, वंदना आयरेकर, रोहिनी काटे, उपायुक्त विजय खोराटे, सहायक आयुक्त उमेश रणदिवे, आदी उपस्थित होते़