मलकापूर : .
: ट्रक चालकाला मारहाण करून दोन हजार रुपये घेऊन पसार झालेल्या तोतया तहसीलदार नथुराम बळवंत कांबळे रा. कोळगाव, त्याचा साथीदार विष्णू विठ्ठल पारळे रा ससेगाव, या दोघांना शाहूवाडी पोलीसांनी अटक करून मलकापूर - शाहूवाडी न्यायालयात हजर केले असता न्यायालयाने दोघांना न्यायालयीन कोठडीत ठेवण्याचा आदेश देण्यात आला आहे.
पेरीड गावच्चा हद्दीत नथुराम कांबळे व विष्णू पारळे या दोघांनी चिरा भरून कराडकडे जात असलेला ट्रक डवून चालक चंद्रकात जाधव (रा. उब्रज ता. कराड ) यांचेकडे वाहतूक पास मागितला मी तहसीलदार आहे असा बहाणा करून वाहतूक परवाना बनावट आहे, असे म्हणत चालकाला दमबाजी करून मारहाण केली. ट्रक तहसील कार्यालयाकडे घ्यायला सांगत चालकाकडील रोख दोन हजार रुपये व परवाना काढून घेतला. घटना स्थळी जमाव गोळा झालेचे पाहून नथुराम कांबळे पळून गेला. जमावाने त्याच्या साथीदारास पकडून शाहूवाडी पोलिसाच्या ताब्यात दिले. पोलिसांनी तोतया तहसीलदार नथुराम कांबळे याचेवर साफळा रचून शाहुवाडीत सोमवारी सांयकाळी अटक केली व मलकापूर-शाहूवाडी कोर्टात हजर केले असता दि १६ एप्रिलपर्यंत कोर्टने पोलीस कोठडी सुनावली होती. पोलिसांनी या दोघांना शुक्रवारी दि १६ एप्रिल रोजी शाहूवाडी न्यायालयात हजर केले असता न्यायालयाने न्यायालयीन कोठडीत ठेवण्याचा आदेश देण्यात आला आहे.