शहरं
Join us  
Trending Stories
1
जातनिहाय जनगणनेचे स्वागत, पण कधी पूर्ण करणार ते सांगा; राहुल गांधी यांनी केंद्र सरकारच्या निर्णयाला दिला पाठिंबा
2
दहशतवाद्याने विचारले, आप काश्मिरी हो क्या? जालन्यातील युवकाचा दावा : रेखाचित्र पाहताच ‘एनआयए’ला ई-मेल
3
मुख्यमंत्री देवेंद्र फडणवीस आता वर्षा बंगल्यामध्ये; अक्षय्य तृतीयेचा मुहूर्त साधून केली विधीवत पूजा
4
ग्रामीण भागात रोजगार वाढले; तरुणांपुढे आव्हाने, तरुणांपुढे गुणवत्तापूर्ण उपजीविकेशी संबंधित आव्हाने कायम
5
एफआयआर नोंदविण्यास नकार हे दुर्दैव; अक्षय शिंदे एन्काऊंटरप्रकरणात क्राइम ब्रँचच्या ‘एसआयटी’वर उच्च न्यायालयाची नाराजी
6
एमएमआरटीएकडून बेस्ट भाडेवाढ मंजूर; अधिकृत घोषणेची प्रतीक्षा
7
रेल्वेच्या बैठकीला पाच खासदारांची दांडी; प्रवाशांना चांगल्या सुविधा पुरविण्याचे आश्वासन
8
पुढील जनगणनेची तारीख लवकरच जाहीर; काेराेनामुळे झाला नव्हता निर्णय
9
भारतासोबतच्या टॅरिफ वाटाघाटी प्रगतिपथावर; अमेरिकी राष्ट्राध्यक्ष डोनाल्ड ट्रम्प यांचे प्रतिपादन
10
CSK प्लेऑफ्सच्या शर्यतीतून आउट; IPL च्या इतिहासात धोनीच्या संघावर पहिल्यांदाच आली ही वेळ
11
पाकिस्तान हादरला !! बसले भूकंपाचे तीव्र धक्के; किती होती तीव्रता? काय आहे सध्याची परिस्थिती?
12
जातिनिहाय जनगणना निर्णयावरुन आता श्रेयवादाची लढाई; भाजपा नेत्यांचा राहुल गांधींवर पलटवार
13
चहलनं साधला मोठा डाव; IPL मधील दुसऱ्या हॅटट्रिकसह युवराज सिंगच्या विक्रमाशी बरोबरी
14
"आम्ही सुरुवात करणार नाही, पण...!"; पाकिस्तानची भारताला पोकळ धमकी
15
"2043 पर्यंत या देशांमध्ये असेल मुस्लिमांचं राज्य", बाबा वेंगा यांची भविष्यवाणी!
16
दिशा सालियन प्रकरण: सतीश सालियन यांच्या याचिकेवर भूमिका स्पष्ट करा; HCचे सरकारला निर्देश
17
'सरकारला 'टेकू' असला की मनमानी करता येत नाही'; जातनिहाय जनगणनेच्या मुद्द्यावरून खोचक टोला
18
संध्याकाळचे पेट्रोलिंग टाळले म्हणून पोलिस आयुक्तांनी ठाण्यात पोहोचून ठाणेदारांना फटकारले!
19
देशहितासाठी आ‌वश्यक ते सर्व केंद्राने करावे; जातनिहाय जनगणनेवर संघाची भूमिका
20
धक्कादायक! सांगलीतील आष्ट्यात विहिरीत पोहण्यासाठी गेलेल्या दोन जणांचा बुडून मृत्यू

सीपीआरच्या अभ्यागत मंडळाचे अजूनही चंद्रकांत पाटीलच अध्यक्ष

By लोकमत न्यूज नेटवर्क | Updated: January 8, 2021 05:15 IST

कोल्हापूर : महाराष्ट्रामध्ये महाविकास आघाडी सरकार सत्तेवर येऊन वर्ष उलटले, तरी येथील सीपीआर आणि शासकीय ...

कोल्हापूर : महाराष्ट्रामध्ये महाविकास आघाडी सरकार सत्तेवर येऊन वर्ष उलटले, तरी येथील सीपीआर आणि शासकीय वैद्यकीय महाविद्यालयाच्या अभ्यागत मंडळाच्या अध्यक्षपदी आधीचे पालकमंत्री चंद्रकांत पाटील हेच असल्याने संभ्रम निर्माण झाला आहे. सदस्यांमध्येही तत्कालीन आमदार राजेश क्षीरसागर आणि अमल महाडिक यांचाही समावेश आहे. तसा फलक अजूनही अधिष्ठाता यांच्या कार्यालयाकडे जाताना झळकत आहे.

राजर्षी छत्रपती शाहू महाराज शासकीय वैद्यकीय महाविद्यालय आणि छत्रपती प्रमिलाराजे सर्वोपचार रुग्णालय या दोन्ही आरोग्य संस्थांच्या दैनंदिन कामकाजासाठी धोरणात्मक निर्णय घेताना सोयीचे व्हावे यासाठी २८ ऑगस्ट २०१५ च्या शासन आदेशानुसार अभ्यागत मंडळाची स्थापना करण्यात आली. तत्कालीन पालकमंत्री चंद्रकांत पाटील हे या मंडळाचे अध्यक्ष नेमण्यात आले, तर तत्कालीन आमदार राजेश क्षीरसागर, आमदार अमल महाडिक यांची सदस्य म्हणून नियुक्ती करण्यात आली. तसेच अजित गायकवाड, पश्चिम महाराष्ट्र देवस्थान समितीचे अध्यक्ष महेश जाधव, शीतल सुभाष रामुगडे, डॉ. सुरेखा नरेंद्र बसरगे, डॉ. इंद्रजित काटकर, डॉ. अजित लोकर, सुनील लक्ष्मण करंबे व अन्य प्रशासकीय अधिकारी असे हे १५ जणांचे मंडळ नेमण्यात आले.

या मंडळाची बैठक घेऊन या दोन्ही आरोग्य संस्थांचे प्रश्न मार्गी लावण्यासाठी पाठपुरावा करण्यात आला. मंडळाच्या स्थापनेनंतर तत्कालीन पालकमंत्री पाटील यांच्या नेतृत्वाखाली अगदी कंत्राटी कर्मचाऱ्यांच्या वेतनापासून ते सीपीआरला वैद्यकीय उपकरणांचा पुरवठा करण्यापर्यंत अनेक निर्णय घेण्यात आले. मात्र आता सतेज पाटील पालकमंत्री होऊन वर्ष झाले आणि राजेंद्र पाटील-यड्रावकर आरोग्य राज्यमंत्री होऊन वर्ष झाले, तरी हे मंडळ अजूनही बदललेले नाही.

चौकट

कोरोनाचे सोयीस्कर कारण

कोरोनामुळे हे अभ्यागत मंडळ बदलण्यास विलंब झाल्याचे कारण आता सांगितले जाईल. परंतु कोरोनाच्या संसर्गाचे प्रमाण कमी होऊनही तीन महिने होऊन गेले, तरी हे अभ्यागत मंडळ बदलण्यासाठी कोणत्याच हालचाली झालेल्या नाहीत. यापुढच्या काळात या दोन्ही संस्थांचे कामकाज आणखी सुरळीत राखण्यासाठी हे मंडळ बदलले जाणार, की जुन्यांचेच मंडळ फलकावर राहणार, याचा निर्णय घ्यावा लागेल.

०५०१२०२१ कोल सीपीआर ०१

सीपीआर आणि शासकीय वैदयकीय महाविद्यालयाचे अभ्यागत मंडळ तत्कालीन पालकमंत्री चंद्रकांत पाटील यांच्याच अध्यक्षतेखाली असल्याचा हा फलक अधिष्ठाता कार्यालयाजवळ लावण्यात आला आहे.