कोल्हापूर : चेंबर ऑफ कॉमर्स अँड इंडस्ट्रीजच्या वतीने झंवर ग्रुप पुरस्कृत ‘चेंबर चषक’ क्रिकेट स्पर्धा २०२१ ला शुक्रवारी शानदार सुरुवात झाली. कोल्हापूर सराफा व्यापारी संघ, दि कोल्हापूर ग्रेन मर्चंटस् असोसिएशन व दि इन्स्टिट्यूट ऑफ इंडियन फौंड्रीमेन पहिल्या दिवशीचे विजयी संघ ठरले. ‘चेंबर चषक २०२१’ चे अनावरण खासदार संजय मंडलिक यांच्या हस्ते तर क्रिकेट स्पर्धेचे उद्घाटन आमदार चंद्रकांत जाधव यांच्या हस्ते शाहुपुरी जिमखाना, शिवाजी पार्क येथील मैदानावर झाले. चेंबरचे अध्यक्ष संजय शेटे, माजी अध्यक्ष आनंद माने, रामप्रताप झंवर, माजी अध्यक्ष प्रदीपभाई कापडिया, क्रेडाइचे अध्यक्ष विद्यानंद बेडेकर, उपाध्यक्ष शिवाजीराव पोवार यांची प्रमुख उपस्थिती होती.
प्रास्ताविक व प्रमुख पाहुण्यांचे स्वागत कोल्हापूर चेंबर ऑफ कॉमर्स अँड इंडस्ट्रीजचे अध्यक्ष संजय शेटे यांनी केले. उपाध्यक्ष संजय पाटील, मानद सचिव धनंजय दुग्गे, वैभव सावर्डेकर व राजू पाटील, खजानिस हरीभाई पटेल, परदेशी आणि कंपनीचे सुजीत परदेशी आदी उपस्थित होते. सूत्रसंचालन करून आभार अंकुश निपाणीकर यांनी मानले. दि इन्स्टिट्यूट ऑफ इंडियन फौंड्रीमेन अणि दि कोल्हापूर ग्रेन मर्चंटस् असोसिएशन यांच्यात आज, रविवारी उपांत्यपूर्व सामना होणार आहे.
फोटो : २६०७२०२१ कोल स्पोटर्स न्यूज चेंबर
ओळी : चेंबर ऑफ कॉमर्स अँड इंडस्ट्रीजच्या वतीने झंवर ग्रुप पुरस्कृत ‘चेंबर चषक क्रिकेट स्पर्धा २०२१’ ला शुक्रवारी शानदार सुरुवात झाली.