जयसिंगपूर : येथील जे. जे. मगदूम कॉलेज ते जयसिंगपूर शहराकडे जाणाऱ्या मार्गावर ठिकठिकाणी रस्त्यात खड्डे पडले होते. त्यामुळे वाहनधारकांना नाहक त्रास सहन करावा लागत होता. बुधवारी या खड्डयांचे पॅचवर्क करण्याचे काम सुरू करण्यात आले. त्यामुळे वाहनधारकांतून समाधान व्यक्त होत आहे.
--------------------------
हेरवाडमध्ये कोविड सेंटर
शिरोळ : हेरवाड (ता. शिरोळ) येथे सामाजिक कार्यकर्ते प्रथमेश पाटील यांनी माउली कोविड सेंटर सुरू केले आहे. या कोविड सेंटरमध्ये रुग्णांवर मोफत उपचार केले जाणार असल्यामुळे ग्रामस्थांतून समाधान व्यक्त होत आहे. सध्या गावामध्ये कोविड रुग्णांची संख्या आटोक्यात आली असलीतरी तिसऱ्या लाटेच्या अनुषंगाने हे कोविड सेंटर सर्वसामान्यांना आधारवड ठरणार आहे.
-------------------------
भटक्या कुत्र्यांचा बंदोबस्त करा
शिरोळ : येथील केपीटी परिसरात भटक्या कुत्र्यांचा कळप रात्रीच्या वेळेस रस्त्यावर फिरत असल्याने अपघाताच्या घटना घडत आहेत. दुचाकीवरून जात असताना अचानकपणे कुत्री गाडीसमोर येत असल्याने अपघात होत आहेत. त्यामुळे या भटक्या कुत्र्यांचा बंदोबस्त करावा, अशी मागणी वाहनधारकांतून होत आहे.