शेतातील गवतावर औषध मारल्याच्या गैरसमजातून एकास मारहाण

याबाबत पोलिसातून मिळालेली माहिती अशी, फिर्यादी विठ्ठल पाटील हे आपल्या फये येथील शेतात गेले असता आरोपी पांडुरंग बाळू पाटील व वैभव पांडुरंग पाटील (रा. फये, ता. भुदरगड) हे पितापुत्र तिथे आले व त्यांनी गवतावर तणनाशक औषध फवारणी का केली? असे म्हणून शिवीगाळ केली व पांडुरंग पाटील याने फिर्यादीच्या डोक्यात खुरपे मारत असताना विठ्ठल पाटील यांनी हात वर केल्यावर त्यांच्या डाव्या हाताच्या अंगठ्यावर खुरपे लागले. तर वैभव याने काठीने हातावर, पायावर मारहाण केली, त्यामध्ये फिर्यादी यांचे बोट मोडले आहे. याप्रकरणी पिता-पुत्र या दोघांविरोधात भुदरगड पोलिसांत गुन्हा नोंद झाला आहे.त्यांना पोलिसांनी अटक केली. आरोपींना एक दिवसाची पोलीस कोठडी सुनावली आहे.