कोल्हापूर : गार्डन्स क्लब, कोल्हापूरच्यावतीने “हरित समृध्दी” पुरस्कार देऊन गोकुळचे ज्येष्ठ संचालक अरूण नरके यांना गाैरवण्यात आले. त्याबद्दल ‘गोकुळ’च्यावतीने नरके यांचा सत्कार ज्येष्ठ संचालक रणजितसिंह पाटील यांच्याहस्ते झाला.
तसेच यावेळी शिवाजी विद्यापीठाचे सहायक प्राध्यापक डॉ. तुकाराम डोंगळे यांचा महाराष्ट्र अकॅडमी ऑफ सायन्स यांच्यातर्फे “यंग असोसिएट्स” या पदावर निवड झाल्याबद्दल व संघाचे पशुवैद्यकीय अधिकारी डॉ. कैलाश पुकळे यांनी विभागीय कार्यालय हातकणंगले परिसरात लसीकरणाचे काम उत्तम केल्याबद्दल त्यांचा सत्कार अरुण नरके यांच्याहस्ते करण्यात आला.
यावेळी ज्येष्ठ संचालक विश्वास पाटील, अरुण डोंगळे, विश्वास जाधव, आमदार राजेश पाटील, पी. डी. धुंदरे, धैर्यशील देसाई, बाळासाहेब खाडे, उदय पाटील, रामराजे कुपेकर, बाबा देसाई, जयश्री पाटील, अनुराधा पाटील, कार्यकारी संचालक डी. व्ही. घाणेकर, बोर्ड सचिव एस. एम. पाटील, जनसंपर्क अधिकारी पी. आर. पाटील आदी उपस्थित होते.
फोटो ओळी :
गार्डन्स क्लब, कोल्हापूरच्यावतीने “हरित समृध्दी” पुरस्कार मिळाल्याबद्दल ‘गोकुळ’च्यावतीने अरुण नरके यांचा सत्कार रणजितसिंह पाटील यांच्याहस्ते झाला. यावेळी संचालक उपस्थित होते.
(फोटो-३०१२२०२०-कोल-गोकुळ)