कोल्हापूर : अनाथ, निराधार, बालकामगार व स्थलांतरित बालकांच्या अधिकारासाठी लढणाऱ्या अवनि संस्थेच्या अध्यक्षपदी अनुराधा भोसले यांची बहुमताने निवड करण्यात आली. संस्थेचे अध्यक्ष प्रा. अरुण चव्हाण यांचे निधन झाल्याने हे पद रिक्त होते.
अनुराधा भोसले या गेल्या २५ वर्षांपासून संस्थेच्या पूर्णवेळ कार्यकर्त्या असून या कार्याची पोचपावती म्हणून त्यांची अध्यक्षपदी तर, संजय पाटील यांची उपाध्यक्षपदी निवड झाली. गेली ११ वर्षे कार्यरत असलेले स्कॉटकफोरा यांनी कायमस्वरूपी निमंत्रक म्हणून नियुक्ती करण्यात आली आहे. सांगलीतील शांतीनिकेतन महाविद्यालयाचे माजी प्राचार्य जे. बी. कदम हे सचिवपदी तर, सोहन शिरगांवकर, प्रा. अर्चना जगतकर, प्रा. विजय पाटील, ज्ञानदेव माने व प्रा. साखरे हे कार्यकारिणी सदस्य असणार आहेत. संस्थेला कायमच कॅन्सरतज्ज्ञ डॉ. सूरज पवार, डॉ. रेश्मा पवार, डॉ. मंजुळा पिशवीकर, डॉ. सुजाता खोत, अरुण नरके, डॉ. विवेक हळदवणेकर यांचे मोलाचे सहकार्य असते.
---
फोटो नं १२०७२०२१-कोल-अनुराधा भोसले
ओळ : कोल्हापुरातील अवनि संस्थेच्या अध्यक्षपदी अनुराधा भोसले यांची निवड करण्यात आली. या वेळी संस्थेचे पदाधिकारी उपस्थित होते.
--