अंगणवाडीसेविकेस मारहाण

याबाबत घटनास्थळावरून मिळालेली अधिक माहिती अशी दिंडनेर्ली येथील अंगणवाडी क्रमांक ६८ मधील अंगणवाडीसेविका सौ. गीता सुरेश वाडकर व मदतनीस दीपाली अजित कांबळे एकत्र काम करतात. दुपारी अंगणवाडीसेविका गीता सुरेश वाडकर या गावातील लहान मुलांना व पालकांना पोषण कार्यक्रमास बोलावणे करिता गेले असता अजित पांडुरंग कांबळे याने आमच्या गल्लीतील मुले अंगणवाडीमध्ये नेण्याचे नाही, असे धमकावून अजित कांबळे यांने अंगणवाडीसेविका गीता वाडकर यांना अश्लील शिवीगाळ करत चप्पलाने व हाताने निर्दयपणे मारहाण करून परत मारहाण करण्याची धमकी दिली. यामध्ये या महिलेच्या हाताला लागले असून मोबाईल फुटला. सदर मारहाणीचे व्हिडिओ चित्रीकरण झाले आहे. ही घटना चालू असतानाच कांबळे समाजातील एक मुलगी भांडण सोडविण्यासाठी गेले असतात तिलाही शिवीगाळ केली. सदर अंगणवाडीमधील अंगणवाडीसेविका हे पद रिक्त झाल्याने सेवाज्येष्ठतेनुसार सौ. वाडकर यांची मदतनीसवरून सेविका म्हणून पदोन्नती झाली होती. यावेळी सौ. कांबळे यांना डावलले असल्याचा राग मनात होता. त्यातूनच गेले कित्येक दिवस आरोपी अजित कांबळेकडून आपल्याला त्रास होत असल्याचेही वाडकर यांनी यावेळी सांगितले. याबाबत गीता वाडकर यांनी इस्पुर्ली पोलीस ठाण्यात फिर्याद दिली आहे. आरोपी अजित कांबळे याला इस्पुर्ली पोलिसांनी अटक केली आहे. सदर घटनेचा अधिक तपास विजय कांबळे करत आहेत.