शहरं
Join us  
Trending Stories
1
Operation Sindoor : "ऑपरेशन सिंदूरमध्ये IC-814 प्लेन हायजॅक आणि पुलवामा हल्ल्यातील मास्टरमाइंडचा खात्मा"
2
Vikram Misri: भारत- पाकिस्तान युद्धविरामानंतर परराष्ट्र सचिव मिस्री ट्रोल, मुलीबद्दल आक्षेपार्ह कमेंट
3
'भारतीय सैन्याने 35-40 पाकिस्तानी सैनिक मारले', ऑपरेशन सिंदूरबाबत DGMO यांची मोठी माहिती
4
India Pakistan Latest Update: भारत पाकिस्तानातील दहशतवादी अड्डे उडवणार, अमेरिकेला आठ दिवस आधीच होती माहिती
5
Eknath Shinde: ...तर जगाच्या नकाशातून पाकिस्तानचं नाव कायमचं गायब केलं जाईल, एकनाथ शिंदे पेटले
6
Operation Sindoor : "दहशतवाद्यांचा खात्मा करणं हे 'ऑपरेशन सिंदूर'चं उद्दिष्ट, १०० हून अधिक दहशतवाद्यांना केलं ठार"
7
...तर पाकिस्तानची खैर नाही, आणखी टेन्शन वाढणार; आता दरवर्षी 100 ब्रह्मोस तयार होणार! 
8
पन्हाळगडावर पावसाची जोरदार हजेरी, पहिल्याच पावसात मुख्य रस्त्यावर २ मोठ्या शिळा कोसळल्या
9
"वहां से गोली चलेगी, यहां से गोला चलेगा"; PM मोदींचा उच्चस्तरीय बैठकीत लष्कराला स्पष्ट मेसेज
10
"२६ जणांच्या मृत्यूचा बदला घेतला, आम्हाला मोदींचा अभिमान..."; आदिल हुसेनच्या भावाचं विधान
11
Operation Sindoor Live Updates: हरियाणात मुसळधार पाऊस, पाहा व्हिडीओ
12
कर्जावर जगणारा पाकिस्तान लढाऊ विमानं, ड्रोन अन् बॉम्ब खरेदीसाठी एवढा पैसा आणतो कुठूण? सैन्याचे उद्योगधंदे जाणून थक्क व्हाल!
13
"गर्व वाटतो... जे मी करू शकलो नाही, ते मुलानं करून दाखवलं...!"; हुतात्मा मेजर पवन यांच्या वडिलांचे शब्द वाचून तुमचेही डोळे पाणावतील
14
'...तर पाकिस्तानला विनाशकारी उत्तर दिलं जाईल', अमेरिकेच्या उपराष्ट्राध्यक्षांसोबत PM मोदींची चर्चा
15
लोणावळ्यात गुलाबी सुटकेसमध्ये आढळलेल्या मृतदेहाचे गूढ उकलले, दोघांना अटक, हत्येचे कारण...
16
दहशतवाद्यांना स्थानिकांची मदत; काश्मीरमध्ये 20 ठिकाणी छापे, स्लीपर सेल मॉड्यूलचा पर्दाफाश
17
मंदिरात दिवा लावण्यासाठी गेलेल्या वृद्ध महिलेची 8 ग्रँम सोने व १० ग्रँम चांदीसाठी हत्या
18
Seema Haider : "तुला कोणीही मारणार नाही, तू परत ये"; ढसाढसा रडली सीमाची बहीण, मोदींकडे मागितली मदत
19
१० वर्षांच्या प्रवासानंतर, एकमेकांचे झाले, अक्षय-साधनाचा सुंदर क्षण, पाहा भावूक करणारा Video
20
तिरंगी वनडे मालिकेत टीम इंडियाचा डंका! यजमान श्रीलंकेला पराभूत करत हरमनप्रीत ब्रिगेडनं जिंकली ट्रॉफी

अंबाबाईच्या दर्शनासाठी गर्दीचा विक्रम!

By लोकमत न्यूज नेटवर्क | Updated: October 10, 2016 01:02 IST

शारदीय नवरात्रौत्सव : नऊ दिवसांत २० लाख ७२ हजार भाविकांची उपस्थिती

अंबाबाईच्या दर्शनासाठी गर्दीचा विक्रम! शारदीय नवरात्रौत्सव : नऊ दिवसांत २० लाख ७२ हजार भाविकांची उपस्थिती कोल्हापूर : शारदीय नवरात्रौत्सवानिमित्त झालेल्या गर्दीचे सगळे उच्चांक मोडत रविवारी ३ लाख २० हजार भाविकांनी करवीर निवासिनी अंबाबाईचे दर्शन घेतले. शुक्रवारनंतर ही यंदाच्या नवरात्रौत्सवातील सर्वांत मोठी गर्दी होती. त्यामुळे केवळ मंदिराबाहेरीलच नव्हे तर शहरातील वाहतूक व्यवस्था कोलमडली. गेल्या नऊ दिवसांत २० लाख ७२ हजार ६५ भाविकांनी अंबाबाईचे दर्शन घेतले. सुटीदिवशी किंवा शुक्रवारी, मंगळवारी भाविकांची गर्दी होणे अपेक्षित असते. त्यात अष्टमी हा दिवस दुर्गेच्या उपासनेचा असल्याने पहाटे चार वाजल्यापासून मंदिरात भाविकांच्या दर्शनरांगा लागल्या होत्या. सकाळी आठ वाजल्यापासून महिला भाविकांची पूर्व दरवाजातील मुख्य दर्शनरांग भवानी मंडपात गेली होती. येथेही पाच ते सहा रांगा करण्यात आल्या होत्या. एरवी कमी असणारी पुरुषांची दर्शनरांगही आज भरून गेली होती. पुरुषांची रांग जोतिबा रोडमार्गे भाऊसिंगजी रोडपर्यंत आली होती. त्यामुळे भाविकांना भर उन्हाचे चटके सोसत देवीदर्शनासाठी उभे राहावे लागले. सगळीकडे गर्दीच गर्दी असल्याने रांगांचे नियोजन करताना पोलिस, कार्यकर्ते, स्वयंसेवी संस्थांंवरही ताण आला. स्वयंसेवी व्यक्ती व संस्थांनी पिण्याच्या पाण्याची सोय केल्याने भाविकांसाठी तो मोठा दिलासा ठरला. मंदिरात कासव चौक आणि गरुड मंडप येथे मुखदर्शनाची सोय करण्यात आली होती. मात्र, येथेही गर्दीवर नियंत्रण ठेवणे अवघड जात होते. पितळी उंबऱ्याबाहेर ढकलाढकलीचे प्रकार घडले. गर्दीचा हा ओघ संध्याकाळपर्यंत सुरूच होता. ’अंबा माता की जय’च्या गजरात नगरप्रदक्षिणा कोल्हापूर : ‘अंबामाता की जय...’चा गजर, पारंपरिक वाद्ये, रांगोळी व फुलांच्या पायघड्या, भालदार, चोपदार, रोशननाईक असा शाही लवाजमा, फुलांनी सजलेले वाहन आणि त्यात अंबाबाईची उत्सवमूर्ती, नागरूपी वाहनावर होणारा फुलांचा वर्षाव... अशा मंगलमय वातावरणात रविवारी रात्री देवीची नगरप्रदक्षिणा झाली. देवीचा हा शाही सोहळा भाविकांनी नजरेत साठविला. फुलांनी सजविलेल्या वाहनात रात्री साडेनऊला देवीची उत्सवमूर्ती विराजमान झाली. पॉप्युलर स्टील वर्क्सचे राजू जाधव त्यांच्या पत्नी मीना जाधव व कुटुंबीयांच्या हस्ते वाहनाचे पूजन झाले. तोफेची सलामी दिल्यानंतर महाद्वारातून नागरूपी वाहन नगरप्रदक्षिणेसाठी बाहेर पडले. महाद्वारातून वाहन गुजरी, भाऊसिंगजी रोडमार्गे भवानी मंडपात आले. या ठिकाणी श्री अंबाबाई व तुळजाभवानीची भेट घडविण्यात आली. त्यानंतर छत्रपती घराण्याकडून आरती करण्यात आली तेथून वाहन गुरुमहाराजांच्या वाड्यावर आले. प्रदक्षिणा मार्गावर श्रीकृष्ण अन्नपूर्णा मित्रमंडळ, हिंदू युवा प्रतिष्ठान, गुजरी कॉर्नर मंडळ, आदी संस्थांनी प्रसादांचे आयोजन केले होते. नो ‘व्हीआयपी’ उत्सवाच्या पहिल्या दिवसापासून देवस्थान समिती व पोलिसांच्या वतीने नागरिकांना व्हीआयपी दर्शनासाठी सोडले जात होते. मात्र, अष्टमी आणि रविवारचा दिवस असल्याने या दोन्ही व्यवस्थापनांनी व्हीआयपी दर्शन बंद ठेवले होते. कोणत्याही भाविकाला आडमार्गाने मंदिरात पाठविले जात नसल्याने किमान एका दिवसासाठी तरी का असेना, हा सर्वसामान्य भक्तांसाठी दिलासा ठरला. वाहतूक कोलमडली मंदिराकडे जाणाऱ्या सगळ्याच मार्गांवर प्रचंड गर्दी असल्याने शहरातील वाहतूक व्यवस्था कोलमडली. शिवाजी चौक, बिंदू चौक, भवानी मंडप, महापालिका ते अगदी लक्ष्मीपुरीपर्यंत वाहतूक खोळंबली होती. गुजरीत दुचाकी वाहनांचे पार्किंग होत असले तरी येथेही जागा नसल्याने वाहनधारकांची कसरत होत होती. हरवले-सापडले जिल्हा व पोलिस प्रशासनाच्या वतीने भाविकांसाठी वैद्यकीय सोयीसुविधा उपलब्ध केल्या आहेत. गर्दीमुळे भाविकांची व लहान मुलांची चुकामूक होत होती. पोलिस व समितीकडून माईकवर जाहीर केल्याने हरविलेले नातेवाईक सापडले.