अजितसिंह पाटील यांची पोकळी कायम कार्यकर्त्यांच्या आणि कुटुंबीयांमध्ये राहणार आहे हे निश्चित. अजितसिंह पाटील यांच्या स्मृती कायम कार्यकर्त्यांच्या लक्षात राहतील.
गोकुळचे माजी अध्यक्ष रणजितसिंह पाटील व बिद्री कारखान्याचे संचालक माजी नगराध्यक्ष प्रवीणसिंह पाटील यांचे ते बंधू होत. मुरगुड परिसरातील तसेच जिल्ह्यातील प्रयोगशील शेतकरी म्हणून त्यांची ओळख होती. शेतीतील ऊसपीक उतारा वाढवण्यासाठी त्यांनी नवनवीन प्रयोग केले होते. याशिवाय संतसाहित्याचे गाढे अभ्यासक म्हणून त्यांची ओळख होती. वेदगंगा धरण सोसायटीचे अध्यक्ष म्हणून ते कार्यरत होते. पाटील आणि मुश्रीफ गटाची सत्ता पालिकेवर असताना त्यांनी उपनगराध्यक्ष म्हणून सुमारे अडीच वर्षे काम पाहिले होते. या काळात शहराच्या विकासासाठी त्यानी आपल्या भावांच्या मार्गदर्शनानुसार चांगले काम केले होते.
पूर्वपार चालत आलेल्या घरातील वारकरी संप्रदायाचा पगडा त्यांच्या मनावर होता. दरवर्षी पंढरपूर येथे जाणाऱ्या वारीमधील वारकऱ्यांना नेहमी मदतीचा हात देण्यामध्ये अजितसिंह पाटील अग्रभागी असायचे. आज त्यांचा प्रथम पुण्यस्मरण. त्यांच्या जिव्हाळ्याच्या कार्यामुळे अजितदादा कार्यकर्त्यांच्या नेहमीच लक्षात राहतील हे नक्की.
...........
वसंतराव शिंदे
उपाध्यक्ष, विश्वनाथराव पाटील मुरगूड बँक