रविकिरण पेपर मिलचे जवळपास ७० कामगार सर्वश्रमिक संघाच्या माध्यमातून गेल्या सहा महिन्यांपासून आपल्या मागण्यांसाठी आंदोलन करीत आहेत. कंपनीने त्यांची दखल घेतलेली नाही. कायम कामगारांना कंत्राटी करणे, शासकीय नियमाने देय असलेला महागाई भत्ता न देणे, शासकीय आदेश न पाळणे, बिहारमधून आलेल्या स्थलांतरित कामगारांना घेऊन काम करणे आदी प्रकारचा अन्याय कंपनी करीत आहे. अखेर आनंद गणपती पारशे व सोमनाथ गोविंद गावडे (पार्ले) यांनी सर्व कामगारांतर्फे आमरण उपोषण सुरू केले आहे.
त्याला पाठिंबा देण्यासाठी माजी राज्यमंत्री भरमू पाटील, जि. प. सदस्या विद्या पाटील, प्रा. एन. एस. पाटील, अ‍ॅड. संतोष मळवीकर, उपसरपंच पांडुरंग बेनके, प्रताप डसके, दयानंद देवण, राहुल पाटील, सरपंच विष्णू गावडे, तानाजी गडकरी, भिकू गावडे, अभय देसाई, परशराम पाटील यांनी प्रत्यक्ष भेटी देऊन उपोषणकर्त्यांना पाठिंबा दिला.
फोटो ओळी : पाटणे फाटा (ता. चंदगड) येथे रविकिरण पेपर मिलच्या कामगारांनी आमरण उपोषण सुरू केले आहे. एका उपोषणकर्त्याची अचानक प्रकृती बिघडल्याने त्याला रुग्णालयात हलविताना अ‍ॅड. संतोष मळवीकर, पोलीस व उपोषणकर्ते.
क्रमांक : २३०२२०२१-गड-०१