जयसिंगपूर : शहरातील नवव्या गल्लीतील जुगार अड्ड्यावर छापा टाकून सात जुगाऱ्यांवर जयसिंगपूर उपविभागीय पोलिसांनी कारवाई केली. यावेळी संशयितांकडून ३७ हजार ८३० रुपयांचा मुद्देमाल पोलिसांनी जप्त केला. संजय आण्णासो मकवाने (वय ४०), हणमंत सदाशिव मुडलगी (वय ३३), संतोष शहाजी भोसले (वय ३६), वैभव राजू धुमाळे (वय २५), सतीश धोंडीराम शिंगाडे (वय ४०), राजाराम शंकर निर्मळ (वय ७५) व रमेश लक्ष्मण धंगेकर (वय ३५) अशी संशयितांची नावे आहेत.
याबाबत माहिती अशी, नवव्या गल्लीतील रमेश धंगेकर यांच्या घरात जुगार खेळत असल्याची माहिती पोलिसांना मिळाली होती. त्यानुसार जयसिंगपूर उपविभागीय अधिकारी रामेश्वर वैंजणे, पोलीस निरीक्षक दत्तात्रय बोरिगिड्डे यांच्या मार्गदर्शनाखाली पोलीस उपनिरीक्षक प्रमोद वाघ, कॉन्स्टेबल रोहित डावाळे, अस्लम मुजावर, अभिजीत भातमारे, अमोल अवघडे, जावेद पठाण, मंगेश पाटील, सचिन चौगुले यांच्या पथकाने ही कारवाई केली.