‘रवी’च्या संचालकांवर दोषारोपपत्र

विभागीय उपनिबंधकांकडून कारवाई : कर्मचाऱ्यांचाही समावेश; म्हणणे मांडण्यासाठी ३० मार्च मुदत

कोल्हापूर : चुकीच्या पद्धतीने कर्ज वितरण करून रवी को-आॅपरेटिव्ह बॅँक अडचणीत आणण्यास जबाबदार असणाऱ्या संचालक व कर्मचारी अशा ३३ जणांविरोधात चौकशी अधिकारी तथा विभागीय उपनिबंधक (सहकारी संस्था) रंजन लाखे यांनी बुधवारी दोषारोपपत्र बजावले. संबंधितांना म्हणणे मांडण्यासाठी ३० मार्चला सकाळी अकरा वाजता उपस्थित राहावे, असे सांगण्यात आले आहे.संचालक मंडळाच्या निष्काळजीपणामुळे बॅँकेचे आर्थिक नुकसान झाले असून, झालेल्या नुकसानीस संचालक मंडळ व संबंधित अधिकारी, कर्मचारी यांना जबाबदार धरून महाराष्ट्र सहकारी संस्था अधिनियम १९६० चे कलम ८८ अन्वये कारवाई होणे आवश्यक आहे. बॅँकेची एकूण थकबाकी ८ कोटी ६१ लाख ६७ हजार या रकमेपैकी ५ कोटी ६२ लाख ३७ हजार इतकी थकबाकी कॅश क्रेडिट कर्जाची आहे. ही कर्जे नियमातील अटींचे पालन न करताच व योग्य ती दक्षता न घेता मोठ्या प्रमाणात मंजूर केली आहेत. त्याचबरोबर संचालकांच्या नातेवाइकांची थकबाकी ६६ लाख ७९ हजार असून, त्यांना पुरेसे तारण न घेता व परतफेडीची क्षमता न पाहता मंजूर केली आहेत. याही कर्जास संचालक मंडळ व संबंधित अधिकारी जबाबदार आहेत, असे लेखापरीक्षक यांनी स्पष्ट शेरे दिले आहेत. त्यानुसार बॅँकेचे चौकशी अधिकारी रंजन लाखे यांनी बुधवारी ३३ जणांना दोषारोपपत्र बजावले. बॅँकेने दिलेल्या लेखी अहवालावरून संबंधितांना जबाबदार धरून दोषारोपपत्र दाखल करणे क्रमप्राप्त आहे. त्यानुसार त्यांच्यावर जबाबदारी निश्चित करून दोषारोपपत्र बजाविण्यात आले आहे. या प्रकरणात कोणाला काही म्हणणे मांडायचे असल्यास, लेखी कागदपत्रे, पुरावा किंवा तोंडी म्हणणे सादर करायचे असल्यास ३० मार्चला सकाळी अकरा वाजता आपल्या कार्यालयात उपस्थित राहावे असे या पत्रात म्हटले आहे. या दोषारोप पत्राने संचालक व अधिकाऱ्यांमध्ये खळबळ उडाली आहे.यांच्यावर दोषारोपपत्र--संचालक : १) बाबूराव पांडुरंग जाधव हे मृत असल्याने वारस अनिल बाबूराव जाधव (रा. शास्त्रीनगर) २) शरद आप्पासो मेढे-पवार हे मृत असल्याने वारस संगीता शरद मेढे-पवार (रा. सोमवार पेठ) ३) आनंदराव गणपतराव पायमल (रा. मंगळवार पेठ) ४) अनिल रंगराव काशीद हे मृत असल्याने वारस कमल रंगराव काशीद (रा. रविवार पेठ) ५) सदाशिव यशवंत कांबळे हे मृत असल्याने वारस श्रावण सचिन कांबळे (रा. रविवार पेठ) ६) जहॉँगीर बादशहा जमादार (रा. रविवार पेठ) ७) जयराम श्रीपतराव पचिंद्रे (रा. रविवार पेठ) ८) महादेवरा रामजी घोडके (रा. लक्ष्मीपुरी) ९) बाजीराव बळवंत डकरे हे मृत असल्याने वारस सुनील बाजीराव डकरे (रा. जाधववाडी) १०) सुमन आत्माराम शेजाळे (रा. वर्षानगर) ११) सुभाष कृष्णा कोराणे (रा. शिवाजी पेठ)१२) सुभाष रामचंद्र जाधव (रा. राजारामपुरी) १३) हरिदास रामकृष्ण सोनवणे (रा. रविवार पेठ) १४) आशालता केशवराव फाळके (रा. रविवार पेठ) १५) कृष्णा गणपती मोरे (रा. प्रतिभानगर) १६) संभाजीराव गणपतराव कदम (रा. भोसलेवाडी)१७) सुधीर रघुनाथ खराडे (रा. रविवार पेठ) १८) बाळासाहेब रामकृष्ण सोनवणे (रा. रविवार पेठ) १९) प्रकाश बाबूराव ठाकूर (रा. कळंबा) २०) महादेव खंडेराव डकमले (रा. रविवार पेठ) २१) तुकाराम माणिकराव तेरदाळकर (रा. कावळा नाका) २२) अजित जयसिंगराव मोरे (रा. आझाद चौक) २३) अब्दुलसत्तार रसुल मुल्ला (रा. यादवनगर) अधिकारी-कर्मचारी :२४) संतोष बाबूराव माने, असिस्टंट मॅनेजर (रा. रविवार पेठ) २५) सुनील श्रीपतराव भांडवले, असिस्टंट मॅनेजर (रा. न्यू शाहूपुरी) २६) नंदकुमार बाजीराव संकपाळ, असिस्टंट मॅनेजर (रा. रविवार पेठ) २७) शिरीष श्रीधर मोरे, असिस्टंट मॅनेजर (रा. रविवार पेठ) २८) सुरेश रामराव शिंदे, शाखाधिकारी (रा. बागल चौक) २९) बाजीराव महिपती जुगदार, शाखाधिकारी (रा. रविवार पेठ) ३०) अजित मारुतीराव शिंदे, शाखाधिकारी हे मृत असल्याने वारस संजीवनी अजित शिंदे (रा. पाचगाव) ३१) मोहन गजाननराव पोवार, शाखाधिकारी (रा. नेहरूनगर) ३२) नजीरअहम्मद अब्दुल तांबोळी (रा. शिवाजी उद्यमनगर) ३३) राजवर्धन दत्तात्रय कुर्डूकर, शाखाधिकारी (रा. पाचगाव)