कोल्हापूर : गडमुडशिंगी ते सांगवडे मार्गावर रस्त्यावर भरधाव अज्ञात वाहनाने सोमवारी रात्री धडक दिल्याने अरुण नरसगोंडा पाटील (वय ४७, रा. वसगडे, ता. करवीर) हे गंभीर जखमी झाले. त्यांना तातडीने उपचारासाठी सीपीआर रुग्णालयात दाखल केले असता त्यांचा उपचार सुरू असताना मृत्यू झाला. या अपघाताची नोंद सीपीआर पोलीस चौकीत झाली आहे.
विष प्राशन केलेल्याचा मृत्यू
कोल्हापूर : बोलोली (ता. करवीर) येथील पांडुरंग सखाराम बाटे (वय ४०, रा. बोलोली) यांचा विष प्राशन केल्याने मंगळवारी सकाळी मृत्यू झाला. त्यांना अत्यावस्थेत सोमवारी रात्री सीपीआर रुग्णालयात दाखल केले होते. या घटनेची सीपीआर पोलीस चौकीत नोंद झाली आहे.
पाय घसरून पडल्याने वृद्धेचा मृत्यू
कोल्हापूर : घरात ओल्या फरशीवरून पाय घसरून पडल्याने कृष्णकुमारी गंगाराम लाड (वय ७७, रा. राजारामपुरी १४ वी गल्ली) यांचा मृत्यू झाला. त्यांच्या डोक्यास मुक्का मार लागल्याने बेशुद्धावस्थेत त्यांना उपचारासाठी सीपीआरमध्ये दाखल केले होते. उपचार सुरू असताना त्याचा मृत्यू झाला.
दुचाकी घसरून जखमी
कोल्हापूर : राधानगरी तालुक्यातील धामोड येथे भरधाव दुचाकी घसरून रस्त्यावर पडल्याने सुभाष धोंडिराम पाटील (वय ३५ रा. येवती) हा गंभीर जखमी झाले. ते सोमवारी रात्री खामकरवाडीकडून येवतीकडे दुचाकीवरून जात असताना धामोडनजीक ही दुर्घटना घडली. त्यांच्यावर सीपीआर रुग्णालयात उपचार सुरू आहेत.
(तानाजी)