मलकापूर : महापुरांचे संकट आणि कोरोनाच्या पार्श्वभूमीवर शाहूवाडी तालुक्यातील १३१ महसुली गावापैकी २९ गावा मध्ये ‘एक गाव एक गणपती’ ही संकल्पना रबविली आहे. गेल्या वर्षी २१ गावांनी एक गाव एक गणपती संकल्पना राबवत तालुका प्रशासनाच्या आवाहनास प्रतिसाद दिला.
तालुक्यातील पोलीस यंत्रणेने एक गाव एक गणपतीचे प्रबोधनात्मक आवाहन केले होते. त्याला बऱ्यापैकी प्रतिसाद मिळाला. गणरायाचे आगमन, पूजा-अर्चा-देखावे, विसर्जन मिरवणुका गर्दी टाळूनच करण्यासाठी सर्वांचे प्रयत्न सुरू आहेत. साउंड सिस्टिम, झगमगाट, विद्युत रोषणाई यासारख्या भपकेपणाला फाटा देऊन गणेशोत्सव साजरा होत आहे. एक गाव एक गणपती साकारणाऱ्या प्रमुख गावांची नावे पेरीड, विशाळगड, ससेगाव, आंबा, मानोली, घोळसवडे, ओकोली, कोपार्डे, पळसवडे, मालेवाडी. सांबू, केर्ले, तळवडे, बर्की, टेकोली, परिवणे, शेंबवणे, मोसम, परळे, शाहूवाडी, कुंभवडे कातळेवाडी, परळे.