कल्याण : भारतीय जनता पक्ष, कल्याण पश्चिम विधानसभा आयोजित माजी आमदार नरेंद्र पवार यांच्या विशेष ५० लाखांच्या निधीतून कल्याण पश्चिममधील मोहोने येथील पंचशील नगर येथील बौद्ध भवन बांधणे या विकासकामाचे भूमिपूजन सोहळा कल्याण पूर्वचे आमदार गणपत गायकवाड यांच्या हस्ते शनिवारी संपन्न झाला.
राजकारणात श्रेयवादाची लढाई सदैव सुरू असते. मात्र सामान्य व्यक्तींसाठी आणि वंचित घटकांसाठी नरेंद्र पवार हे सदैव तत्पर असतात. आता त्यांच्या निधीतून होणाऱ्या कामाचे मी भूमिपूजन करत असलो तरी हा पवार यांचा विशेष निधी आहे, गुजरात विधानसभा निवडणुकीत व्यस्त असतानाही त्यांनी मतदारसंघातील कामे अडकून पडू नयेत यासाठी मला भूमिपूजन करून काम सुरू करण्याची विनंती केली, हा मोठेपणा राजकारणात विरळ असतो असे मत आमदार गायकवाड यांनी व्यक्त केले.
यावेळी भाजप मोहोने टिटवाळा मंडळ अध्यक्ष शक्तिवान भोईर, ठाणे जिल्हा ग्रामीण संपर्क प्रमुख राजाभाऊ पातकर, विश्वशांती गृहनिर्माण मंडळ, गाळेगाव अध्यक्ष एम.एल.मिसले, सेक्रेटरी एस.के.चव्हाण माजी नगरसेवक महेंद्र गायकवाड, दया शेट्टी, माजी नगरसेविका शारदा गायकवाड आदी पदाधिकारी कार्यकर्ते, नागरिक उपस्थित होते.