जळगाव : तालुक्यातील उजाड कुसुंबा येथे पत्र्याचे पाणी घरावर पडल्याच्या कारणावरून विनोद शब्बीर तडवी (वय ३५) या तरुणाला लोखंडी सळईने बेदम मारहाण केल्याची घटना घडली. याप्रकरणी एमआयडीसी पोलीस ठाण्यात दोन जणांवर गुन्हा दाखल करण्यात आला आहे.
विनोद शब्बीर तडवी हा तरुण चालक असून, मिळेल त्या खासगी गाडीवर काम करतो. शनिवारी दुपारी अडीच वाजेच्या सुमारास शेजारी राहणारे नमीन शरीफ तडवी यांच्या घराच्या पत्र्यावरील पाणी विनोद तडवी यांच्या घरावर पडले. याचा जाब विचारला असता नमीन शरीफ तडवी आणि त्याचा भाऊ सोनू शरीफ तडवी यांनी लोखंडी आसारीने विनोद तडवी यांनी मारहाण केली. त्यांच्या डोक्याला दुखापत झाल्याने यात विनोद जखमी झाले. त्यांना तातडीने खासगी रुग्णालयात उपचारार्थ दाखल केले. विनोद तडवी यांच्या फिर्यादीवरून रविवारी एमआयडीसी पोलीस ठाण्यात गुन्हा दाखल करण्यात आला आहे. तपास संतोष पवार करीत आहेत.